E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Basha-Rama apo Shqiptarët, kë ka zgjedhur Presidenti i SHBA, Donald Trump?

21 Shtator 2017, 08:14, Aktualitet CNA

Dje në mbrëmje kryeministri Edi Rama publikoi foton e tij zyrtare me presidentin e SHBA, Donald Trump, të shoqëruar nga zonjat e tyre Melani dhe Linda.

Në rrjetet sociale ashtu siç ndodh zakonisht filloi debat. Të majtët e vlerësonin, të djathtët e sulmonin e kështu me radhë. Në fakt ajo foto është një gjurmë e radhës që më shumë sesa kryeministrit Rama ju përket shqiptarëve.

Një foto me presidentin Trump publikoi gjatë fushatës së zgjedhjeve kryetari i opozitës, Lulzim Basha, e cila edhe pse nuk ishte foto zyrtare dhe ndoshta e realizuar me pagesë sërish vlente për shqiptarët më shumë sesa vetë për Lulzim Bashën. Foto me presidentin e SHBA dje pati edhe presidenti i Kosovës, Hashim Thaçi, si gjithmonë SHBA-të janë të kujdesshme për të treguar mbështetjen e tyre ndaj shqiptarëve kudo që ndodhen. Por le të analizojmë dyshen Rama-Basha

Midis dy fotove ka një ndryshim të madh, fotoja e Ramës është zyrtare në një event botëror ndërsa foto e Bashës është në një takim për mbledhje donacionesh.

Jo për ti krahasuar dhe në asnjë rast për të mbajtur anësi këto dy foto që kanë çuar në delir Edi Ramën dhe Lulzim Bashën, më shumë sesa për këta vlejnë për shqiptarët. Ato tregojnë edhe një herë se SHBA-të ngelen jo vetëm partnere por ?Zoti në tokë? për shqiptarët dhe Shqipërinë.

Donald Trump thjeshtë në arkivën e tij që ndoshta nuk do ta shohë më kurrë ka një foto me Edi Ramën dhe nga dje asgjë nuk ka ndryshuar. SHBA-të vazhdojnë të kenë vëmëndjen te Shqipëria dhe shqiptarët ashtu siç e kanë pasur gjithmonë. Dje thjeshtë bënë gjestin e radhës.

Edi Rama nuk mori një thes me para, nuk mori disa miliona dollarë si dhuratë nga qeveria amerikane dhe presideneti Trump. Atij ju dha një foto për të treguar atë që përmendem më lart.

Pas asaj fotoje dhe ekzaltimit të njerëzve në rrjetet sociale ngelet vetëm një gjurmë në histori dhe asgjë më shumë. Një foto më shumë në arkiv.

Lulzim Basha nuk i fitoi zgjedhjet pas fotos me Trump por mori 230 mijë vota më pak. Por në arkiv ka foto me Trump.

E vetmja foto historike dhe ngjarje e një presdienti të SHBA me përfitime të drejtpërdrejta politike është ajo e Sali Berishës me ish-presidentin Xhorxh Ë Bush, vizita e këtij të fundit në Tiranë, solli dy lajme si: Shqipëria në NATO dhe pavarësia e Kosovës.

Shqiptarët nga ana e tyre dje ripanë presidentin e amerikës tju jepte një mbështje publike, por nuk është thjeshtë dhe vetëm ai që mund të zgjidhë problemet e tyre.

Edhe pse Edi Rama doli në fotografi me Donald Trump shqiptarët sot janë njësoj si dje, sërish s?kanë drita, sërish s?kanë ujë, s?kanë shkolla, s?kanë ujësjellsa, janë po aq të varfër sa dje, janë po aq të papunë sa dje, thjeshtë kanë një foto më shumë me presidentin e SHBA-ve./ CityNews