Të gjithë derrat një turi kanë/ Politikanët italianë kopjojnë kolegët shqiptarë

20 Shtator 2017, 20:42, Aktualitet CNA

Tashmë është bërë e zakonshme që deputetët dhe ministrat shqiptarë të jeën të pajisur me diploma bacelori apo edhe masteri pa patur dëftesën e pjekurisë. Cuditërisht kanë kryer studimet universitare dhe shpesh ato për master pa mbaruar gjimnazin. Të tillë të diplomuar janë prodhime universitetesh private këtej dhe andej kufirit shqiptaro-shqiptar.

LSI-ja madje ka filluar një sulm të fortë mediatik dhe politik kundra kryeministrit Edvin duke e quajtur atë shkollëpak, vetëm se ka bërë 3 vite shkollë të lartë te ish ILA-ja dhe është diplomuar: Mësues vizatimi për shkollat 8-vjecare! Në krahasim me kryeministrin tonë politikanët e sotëm të majtë, që shqeverisin Italinë (një nga 7 vendet më të industrializuara të botës) janë të nivelit: Bir Selman i nënës kë të qaj më parë. Ministrja e arsimit (dhjetor 2016 e në vazhdim),Valeria Fedeli nuk e ka kryer shkollën e lartë. Në Itali një vend i zhvilluar europian ministria e arsimit është e pashkollë! Ky nivel është dukshëm më i ulët se i ministres së arsimit të Shqipërisë zj. Nikolli, e cila ka kryer vetëm masterin te Universiteti Kristal, i mbyllur më vonë me firmën e saj si universitet kioskë, që nuk përmbush standartet për të qenë universitet. Nikolli i jonë ka kryer goxha fakultet për shkenca natyre krahasuar me sindikalisten injorante italiane, Valeria Fedeli-n e shkretë!

Deri kohët e fundit shqiptarët mund të ndiheshin në zor për të tillë poltikanë para homologëve europianë. Lavdi Zotit gjërat po ndërrojnë për mirë për shqiptarët. Tashmë po shndërrohet në modë për politikanët e pashkollë italianë, që të blejnë nga një diplomë universitarenë universitet private shqiptare. Rasti i ?Troftës? të birit budalla të liderit historik të Partisë ?Lega Nord? Umberto Bosit dhe blerja prej tij e një diplome universitare ?Kristal? nuk është më një përjashtim. Luigi di Maio nënkryetari i Parlamentit italian (ekujvalenti i Edmond Spahos shqiptar ), që vjen nga rradhët e Partisë ?5 Yjet? (Le Cinque Stelle), jo vetëm nuk ka diplomë universitare italiane, por ka tentuar të blejë një diplomë universitare në Shqipëri! Është me shumë interes për opinionin publik shqiptar të bëhet i ditur emri i universitetit pacavure shqiptar, që do ta pajiste me diplomë universitare palaco-politikanin italian. Gazetarët shqiptarë me siguri duhet ta investigojnë një skandal të tillë në bashkëpunim me kolegët italianë. Si qershia mbi tortë Di Maio pa diplomë fitoi garën brenda rradhëve të partisë së vet për të qenë kandidat për kryeministër në zgjedhjet politike 2018. Cdo shqiptar patriot duhet t?i lutet Zotit, që të bëhet Di Maio kryeministër i Italisë, kështu që kryeministri ynë Edvin i diplomuar për mësues vizatimi për shkollat 8-vjecare do të qëndrojë dukshëm më lart se homologu i vet nga Italia në takimet e ndryshme dy e shumë palëshe, që do të kenë! Le të tallen sa të duan kundërshtarët politikë të Kryeminsitrit Edvin, por Kartagjena (Europa) ka rënë aq poshtë, sa që një kryeministër shqiptar me një diplomë instituti të lartë 3 vjecar qëndron më lart se ministrat dhe ndoshta në të ardhmen se kryeminsitrat e vendeve të BE-së madje edhe vendeve të vjetra të BE-së. Nëse në zgjedhjet e kësaj vjeshte Madam Kancelarja Merkel humbet, Gjermania do ketë një kryeministër pa shkollë të lartë! Edvini ynë do kishte rast ta shikonte edhe nga pikëpamja akademike nga lart poshtë kancelarin e ardhshëm Shultz! Në këtë rast kryeministri ynë Edvin për nga bagazhi arsimor do e meritonte plotësisht titullin ?lider global?! Për ministren Fedeli apo nënkryeparlamentarin Di Majo pa shkollë të lartë mund të gjeni më shumë info në linkun: http://www.ultimora.news/fedeli-di-maio-ritratto-italia-senza-laurea

GJERGJ THANASI

/Citynews