web counter
LEXO PA REKLAMA!

SHKARKO APP

App Store
Google Play

Franca mbështet Forcën e Armatosur të Kosovës

19 Shtator 2017, 06:34, Aktualitet CNA

Ambasadori i Francës në Kosovë, Didier Chabert, gjatë një interviste ekskluzive për gazetën ?Zëri? ka theksuar se Kosova është një shtet i pavarur e sovran dhe ka të drejtë ta ketë një forcë të armatosur. Gjatë kësaj interviste ai ka folur edhe për demarkacionin me Malin e Zi, ku ka bërë të ditur se Arbitrazhi Ndërkombëtar nuk është zgjidhje pasi që, sipas tij, është një proces i cili zgjat shumë dhe kjo e vonon procesin e liberalizimit të vizave me BE-në.

Franca e përkrah Kosovën që ta ketë një forcë të armatosur, mirëpo insiston që procesi i krijimit të një force ushtarake të ndërmerret në kohën e duhur, duke marrë parasysh ndjeshmërinë e gjithë kosovarëve, në mënyrë që kjo forcë të jetë vërtet shumetnike dhe e pranuar nga të gjitha pjesët e shoqërisë.

Ambasadori Chabert, ka shtuar se një vendim i tillë duhet të koordinohet me NATO-n dhe me aleatët e Kosovës, të angazhuar plotësisht për sigurinë e për stabilitetin e vendit dhe të cilët mund të mbështesin e të shoqërojnë transformimin e FSK-së.

?Kjo natyrisht duhet të bëhet duke respektuar kornizën ligjore të Kosovës dhe në këtë aspekt Kushtetuta e vendit specifikon se çfarë është në kompetenca të ligjit dhe për çfarë janë të domosdoshme ndryshimet kushtetuese?, sqaron Chabert.





Lajmet e fundit nga