web counter
LEXO PA REKLAMA!

SHKARKO APP

App Store
Google Play

Taulant Balla/ Nuk i paragjykoj kërkesat e Bashës

18 Shtator 2017, 18:21, Aktualitet CNA

Kreu i grupit Parlamentar të Partisë Socialiste, Taulant Balla ka folur për Reformën Zgjedhore të ndërmarrë nga dy forcat e mëdha politike në vendin tonë.

Ndër të tjera Balla theksoi se reforma është shumë e rëndësishme për të ardhmen e vendit.

Në përgjigje të kërkesave të kreut të opozitës Basha, Taulant Balla theksoi se reforma nuk bëhet me ultimatum, por nga ana tjetër nuk paragjykon asnjë kërkesë të kreut të PD-së.

?Nuk dua të hyj në polemikë me z.Basha. Nuk paragjykoj asnjërën prej kërkesave. Reforma kaq të rëndësishme nuk bëhen me ultimatume por me tryeze. Kreu i PS-së dhe kryeministri Rama ishte i gatshëm për të institucionalizuar një tryezë të gjerë politike ku diskutohen reforma të rëndësishme mes tyre edhe reforma zgjedhore.

Komisioni do të fillojë punën që nesër mbi parimet e barazisë me qëllim që të hartojmë ndryshimet ligjore. Por nuk mund të rri pa u shprehur lidhur me disa prej këtyre kushteve. Nuk po hyj te pjesa e votimit elektronik sepse kjo u takon ekspertëve. Ne e kemi thënë në prill dhe shtator se janë ekspertët që merren me teknikalitetet dhe vendimet, përfshirë edhe komisionin. Të mos jenë kryetarët.  Nuk kemi thënë që jemi kundër votimit elektronik. Por duke ditur që në vendet që ka qenë po hiqet, Shqipëria nuk mund të futet në rangun e këtyre vendeve?,- tha Balla ne intervistën e tij në ABC News.

Më tej ai shtoi se emigrantët duhet të jenë pjesë e vendimmarrjes:

?Edhe shtetasit shqiptarë që jetojnë jashtë duhet të jenë pjesë e vendimmarrjes politike. Jemi të angazhuar para shqiptarëve edhe në zgjedhjet e 25 qershorit se do të mundësojmë votën e tyre pasi janë një nga pjesët vitale të Shqipërisë.  Ndryshimi i parë sot është Ministria për Diasporën?,- shtoi Balla. /Citynews





Lajmet e fundit nga