web counter
LEXO PA REKLAMA!

SHKARKO APP

App Store
Google Play

Grida Duma ndryshon deklaratën/ Manipulim për mua është edhe shitblerja, edhe rrjedhja e votave

17 Shtator 2017, 19:34, Aktualitet CNA

Zëdhënësja e grupit parlamentar të Partisë Demokratike, Grida Duma ka folur në lidhje me nismat më të afërta të opozitës, listën e Bashës dhe manipulimin e votave për Gramoz Ruçin.

E pyetur nga gazetarja e në studion e Ora News në lidhje me deklaratat e saj se votat për Ruçin kanë qenë të manipuluara, Grida ka ndryshuar deklaratën duke thënë që manipulimi i votave ka të bëjë edhe me shitblerjen e votave  dhe jo vetëm me manipulimin në komision, siç kishte deklaruar më përpara.

?Vazhdoj të them qartësisht dhe pa asnjë ekuivok që manipulim për mua është një bashkësi e gjerë, edhe shitblerjen edhe rrjedhjen e votave. Me kaq mbyllet ky diskutim?, tha Duma.

Ndërsa e pyetur për listën e krijuar nga Basha, Grida ka thënë se përgjegjësia e listës është e tij, ndërkohë që shtoi se lista ishte e kufizuar dhe nuk kishte vende të mjaftueshme për të gjithë.

?Pa dyshim që as 70 por as 140 vende nuk do të ishin të mjaftueshme për të akomoduar të gjitha kapacitetet e vyera që ka PD-ja. Edhe 140 veta po të ishin në listë, ju siguroj se do të ishin pak?, ka thënë Grida Duma. /CityNews

 

 





Lajmet e fundit nga