web counter
LEXO PA REKLAMA!

SHKARKO APP

App Store
Google Play

Fotot e Enver Hoxhës në Pezë/ Provokim i turpshëm dhe brutal i Edi Ramës

16 Shtator 2017, 13:12, Aktualitet CNA

Deputeti i Partisë Demokratike, Enkelejd Alibeaj ka reaguar ashpër sot lidhur me pankartat me foto të Enver Hoxhës të rishfaqura në Pezë.

Alibeaj ka akuzuar kryeministrin Rama për këtë akt duke e cilësuar si provokim të turpshëm të tij.

?Provokimet e turpshme dhe brutale të Edi Ramës për ringjalljen e komunizmit nuk kanë të sosur! Sot, në Pezë, iu shfaqi shqiptarëve pankartat me foto të Enver Hoxhës, para të cilave parakalojnë, me përulje dhe adhurim, qeveritarët, deputetët e tij dhe përfaqësuesit e pushtetit vendor! E bëri këtë pasi Ministrin e Brendshëm dhe të Sigurimit të Shtetit e emëroi kryeparlamentar! Hetuesin e zellshëm të agjitacionit dhe propagandës komuniste e emëroi Ministër të Brendshëm! Mbushi radhët e qeverisë me pinjollë të nomenklaturës së lartë komuniste! Shembi dhunshëm kullën e simbolit antikomunist Prek Cali!?,- tha Alibeaj.

?Pankartat e diktatorit qëllimisht ia vuri në dorë fëmijëve. Duke filluar te ata, kërkon të ringjallë dhe të riinstalojë komunizmin, pushtetin gjakatar të etërve të Edi Ramës dhe bashkëpunëtorëve të tij.

Për ata që nuk kanë parë ende, asgjë akoma, sot kanë mundësinë të hapin sytë fort dhe të kuptojnë, tek ato pankarta, fytyrën e vërtetë të Edi Ramës?,- përfundoi ai deklaratën. /Citynews





Lajmet e fundit nga