web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha/ Grupet e krimit që veprojnë në Londër janë kryesisht nga Mati, Dibra, Kukësi dhe Tropoja

15 Shtator 2017, 19:44, Aktualitet CNA

Gazetari investigativ, Artan Hoxha ka deklaruar disa nga qytetet e Shqipërisë, të cilat kanë grupet e krimit në Londër që rekrutojnë njerëz në zona të varfëra.

Sipas tij, anëtarët e grupeve të krimit që veprojnë në Londër janë kryesisht nga Mati, Dibra, Kukësi dhe Tropoja.

?Pse përmendet vazhdimisht Londra? E dini se kush janë grupet shqiptare që veprojnë në Londër? Janë kryesisht nga zona e Matit, nga zona e Dibrës, nga zona e Kuksit dhe nga zona e Tropojës. Ata që kur i rekrutojnë në fshatra të qyteteve më sipër, i rekrutojnë me të vetmin qëllim. Këtë njeri po e marr në një fshat të thellë të Dibrës, se do ta përdor për këtë qëllim atje. Për ta çuar këtë njeri në Londër, që nuk plotëson asnjë lloj kriteri që të shkojë atje, atëherë ai përdor transportin me avion, gomone, transportin me kamion. Përdor të gjitha mënyrat sepse e kanë fuqinë ekonomike dhe potenciale, që kur shqiptarët bëjnë transport me charter nga Hollanda dhe Belgjika për në Londër, do të thotë që ata kanë një fuqi monetare që se kanë problem të blejë avionin atje dhe ta përdorë. Kur shqiptarët bënin transport me avion të canabis-it drejt Italisë në fillim, pilotët ishin Italian. Por ne kapëm pilotin nga Sevasteri i VLorës, pilotin tjetër nga Babica. Ne kishim tani dhe pilotin dhe avionin, i kishim tanët.

Unë po e them sot që në Shqipëri ka organizata kriminale që kanë buxhet të ardhurash më të larta se Ministria jonë e brendshme. Ata marrin përsipër operacione ndërkombëtare të trafikut që shteti ynë nuk ka asnjë shans që ti godasë këto grupe kriminale me mënyrën se si funksionon deri më sot dhe në mënyrën se si do ai të funksionojë.

Kur u zbulua që karteli i kalit kishte investuar 5-së million $ në zgjedhjen e Presidentit, u bë nami, doli populli në rrugë. Unë po them që pa frikë në Shqipër në zgjedhje janë investuar më tepër se 5-së milionë $, atje. Ska ndodhur asnjë gjë, nuk reagohet. Mënyra se si shoqeria jonë, shteti jonë rritet, maturohet, stabilizohet me mënyrën se si ecën krimi, janë shumë larg. Sot banditë që i kam parë duke grabitur në rrugë me këmishë në kokë, se nuk kishin as maskë, sot nuk guxon që ti thojë njeri bandit sepse ai është biznesmen  i nderuar.

Shqiptarët në Londër dhe në disa qytete të mëdha në Europë vërtetë janë bërë problematikë sepse pasi kanë kapur pakicën atje, po mundohen të zgjerohen pasi kanë potencial, kanë para, kanë njerëz dhe kanë mjete dhe po mundohen që ta kapin të gjithë rrjetin. Nëse ata do ta shisnin këtë sasi në tregun europian, shkon në 278 milion euro.

Kur policia shqiptare kap një sasi prej 12-të tonësh në një operacion të vetëm dhe në qarkullim, në treg nuk ndodh asnjë vrasje do të thotë se ti atij grupit nuk i ke shkaktuar ndonjë dëm të madh sepse ai ka arritur ta mbulojë shumë shpejtë atë humbje që ka pësuar.

Kur shteti godet fortë dhe ju shkakton dëme të mëdha, menjëherë kjo përkthehet në viktima në rrugë?, u shpreh gazetari Hoxha.

/CityNews

 





Lajmet e fundit nga