Nga Xhovani SHYTI/ Qeveria e Kosovës me dy koka/ Haradinaj dhe Pacolli kryeministra paralel

5 Shtator 2017, 09:10, Aktualitet CNA

Koalicioni midis PAN dhe AKR-së së Behgjet Pacollit ka sjellë edhe çudinë e rradhës në shtetin më të ri të botës, Kosovë. Duke përfituar nga kriza e thellë institucionale e më shumë se dy muajve dhe etja e koalicionit PAN, fitues i zgjedhjeve të parakohëshme parlamentare të 11 qershorit 2017, për të patur gjashtëdhjetë e një votat e domosdoshme për të drejtuar Kuvendin dhe formuar qeverinë e re Haradinaj, AKR e Behgjet Pacollit e ka detyruar PAN-in të nënshkruaj një marrëveshje ?skallvëruese?.

Kështu, përveç marrjes së presidencës së ardhëshme paradhënie, Pacolli ja ka dalë ta detyrojë koalicionin PAN të pranojë formësimin edhe të një qeverie me dy koka drejtuese. Njëra prej të cilave është ajo e Ramush Haradinajt e përzgjedhur qysh në fillim të fushatës elektorale, si përfaqësuese e koalicionit PAN, kurse tjetra ajo e Behgjet Pacollit.

Ky konfigurim ka sjellë formatimin e një qeverie me dy kryeministra. Njëri prej të cilëve, Pacolli, komandon pesë nga ministrat, që ja ka dale t?ja heqë nga dora koalicionit PAN, së bashku me një duzinë zvendësministrash që i takojnë AKR-së së Behgjet Pacollit. Ndërkohë, Ramush Haradinaj, është kryeministri superior në numër zyrtar ministrash, zvendësash etj., zyrtarë të rangjeve më të ulta, si drejtor drejtorish, sekretar dikasteresh etj.

Konfigurimin e një qeveria me dy koka e ka raportuar kosovarja ?Arbesh.info?, sipas të cilës Ramush Haradinaj nuk do të ketë të drejtë që të shkarkojë ministrat, zëvendësministrat apo zyrtar të tjerë, të emëruar nga Aleanca Kosova e Re (AKR), me të cilën PAN ka nënshkruar marrëveshje mbrëmjen e djeshme,

Në marrëveshjen mes tyre, vijon raportimin ?Arbresh.info: përfshihen disa pika, mes tyre edhe harmonizimi i menjëhershëm i programit qeverisës 2017-2021.

?Me kërkesë të liderit të AKR-së emërohen dhe shkarkohen të gjithë kuadrot që burojnë nga kjo marrëveshje e që janë përfaqësues të AKR-së, sikundër janë ministrat, zëvendësministrat etj?, thuhet në pikën pesë të marrëveshjes mes AKR-së dhe PAN-it.

Ku përcaktohet, gjithashtu se: Behgjet Pacolli do ketë fuqi ekzekutive në të gjitha ministritë që udhëhiqen nga partia e tij, pra do të ketë ekskluzivitetin që t?i shkarkojë kurdo që dëshiron këta ministra./ CityNews