web counter
LEXO PA REKLAMA!

SHKARKO APP

App Store
Google Play

Fiks Fare nis sezonin e ri/Surprizat e këtij viti

4 Shtator 2017, 18:50, Aktualitet CNA

Emisioni investigativ Fiks Fare ka startuar mbrëmjen e sotme edicionin e ri, pas ndërprerjes së pushimeve verore.

Emisioni i transmetuar në televizionin Top Channel vjen me surpriza të reja në këtë sezon të ri, ku pritet të japë mjaft denoncime dhe skandale korruptive.

Për sa i përket prezantimit, Fiksi nuk do të bëjë ndryshime, ku edhe këtë vit në ekran do të shfaqet dyshja Devi dhe Dori, të cilët përmes batutave dhe sarkazmës do të shtjellojnë probleme të ndryshme që shqetësojnë qytetarët.

Njoftimi në rrjetet sociale:

Fiks Fare starton me surpriza të reja në këtë sezon të ri, i cili nis mbrëmjen e sotme, më 4 shtator në Top Channel. Programi më i ndjekur televiziv, i cili sjell në ekranet e shqiptarëve denoncimet dhe skandalet e korrupsionit, do të vijë këtë vit me ndryshime për ta çuar në një nivel edhe më të lartë këtë emision kaq të dashur për shqiptarët.

Edhe këtë vit ky emision do të drejtohet nga dyshja Devi dhe Dori, të cilët përmes batutës dhe sarkazmës do të shtjellojnë probleme të ndryshme që shqetësojnë qytetarët në çdo cep të vendit. Fiks Fare këtë sezon vjen edhe me dy velina të reja, te dyja brune, që u përzgjodhën mes qindra konkurenteve që u bënë pjesë e audicionit të organizuar nga Top Channel. Dyshja e zgjedhur janë Vangjeli Telo dhe Sonja Çemeri.

Sonja Çemeri është 22 vjeçe dhe vjen nga qyteti i Lushnjes. Është marrë që e vogël me gjimnastikë dhe kërcim, ku për dy vite rresht ka mbajtur titullin Kampione Gjimnastike. Aktualisht studion në Fakultetin Sporteve në vit të fundit.

Kurse 22 vjeçarja Vangjeli Telo vjen nga Përmeti dhe ka mbaruar studimet për gazetari. Vangji siç e thërrasin të gjithë, ka marrë pjesë në Miss Universe në 2015 dhe është e njohur në fushën e modelingut./CityNews





Lajmet e fundit nga