web counter
LEXO PA REKLAMA!

SHKARKO APP

App Store
Google Play

E fundit!

x

Mbulimi i Skënderbeut? Reagon gazetari/ O njerëz, mos nxisni urrejtje!

1 Shtator 2017, 16:01, Aktualitet CNA

O njerëz!

Në islam ndalohet falja e namazin para çfarëdolloj figure, qoftë fotografi, pikturë a skulpturë. Prandaj, gjatë faljes së namazit duhet vendosur perde mes falësit të namazit dhe figurës (këtë rast bustit). Në rast se ka diçka të qëllimshme në këtë histori.

Vendosja e perdes mes falësit të namazit dhe ndonjë figure nuk ka të bëjë me mosrespektimin e figurës, por lidhet me parimin islam të mosngjasimit të adhurimit islam me idhujtarinë.

Myslimani nuk bën sexhde para asnjëlloj figure, por vetëm para Zotit. Prandaj, në xhami nuk ka fotografi, madje as në artin islam në përgjithësi.

Mos nxisni tema nga hiçi për të nxitur urrejtje se u bëtë gazi i botës me injorancën e “patriotizmin” tuaj.

Po thoni që ata në shesh, janë antiSkënderbe?

Kurresesi që jo. Madje ata janë më të ndershëm sesa ju, që vetëm llomocisni sa herë ju del diçka përpara. Ata aty në shesh respektojnë katolike dhe ortodoksë. Ata besimin e tyre e shprehin duke bërë mirë, duke ndihmuar të varfërit, duke ndihmuar sakatët, ndërsa ju, çfarë bëni?

Luftoni në facebook, me statuse, se na “pushtuan” Skënderbeun!

Sa të marrë! Sa nacionalizem i pështirë!

Po politika po na pinë gjakun prej 27 vitesh, askush nuk reagon, apo të protestojë. Ju dilni në shesh vetëm kur ju thërrasin partitë, edhe ju predikojnë gënjeshtrën. Nuk dilni për taksat, nuk dilni për punë, nuk dilni për ulje çmimesh, sepse ju jeni frikacakë, s’keni këllqe. E vetmja gjë që dini të bëni është të përhapni përçarje nga facebook-u. Në vend që sot, njerëzit t’i bëjnë presion politikës, për reformen në drejtësi, se një grua u vra dje, për faj të mekanizmave jofunksionale të shtetit, flasin e thonë, na iku “Skënderbeu”. Jo. Skënderbeu nuk iku, ai do të qëndroje aty përgjithmonë, sepse Skënderbeu është heroi i Shqipërisë, është heroi im. Respekt për ata njerëz që mundohen çdo ditë të “luftojnë” për Shqipërinë, për t’i bashkuar njerëzit, siç bëri Skënderbeu, kur ata ishin të përçarë, dhe jo t’i përçajnë pa arsye.

Mendoj se asgjë në këtë histori nuk ishte e qëllimshme. Po ashtu, nëse KMSH-ja, do e mendonte këtë reagim, me siguri do e kishte falur Kurban Bajramin në Bulevard (ku e ka falur gjithmonë) dhe jo aty./Nga Osman STAFA





Lajmet e fundit nga