“Paqe e mirësi në familjet tuaja”/ Kryetari i Komunitetit Mysliman uron besimtarët për Kurban Bajramin

31 Gusht 2017, 19:20, Aktualitet CNA

Dita e nesërme është një ditë e shënuar për myslimanët në mbarë botën që festojnë Kurban Bajramin.

Me këtë rast, Kryetari i Komunitetit Mysliman në Shqipëri, Skënder Bruçaj me anë të një mesazhi ka uruar gjithë besimtarët për paqe harmoni e mirësi në familjet e tyre.

MESAZHI I PLOTË:

Bismil-lahi Rrahmani Rrahim!
Me emrin e Allahut, të Gjithëmëshirshmit, Mëshirëplotit!

Të nderuar besimtarë!

Në një ditë të tillë festë në të cilën atmosfera shpirtërore ndihet anembanë, dua t?ju përcjell urimet më të mira, qofshi të gëzuar e në paqe me të gjithë të dashurit e zemrës.

Kurban Bajrami është simbol i sakrificës, sinqeritetit dhe dorëzimit të plotë tek Allahu i lartësuar. Besimtarët myslimanë shprehin devotshmërinë e tyre duke bërë kurban e duke u solidarizuar me fqinjët dhe njerëzit në nevojë.

Në këtë ditë feste e gëzimi të Kurban Bajramit u bëj thirrje të gjithë besimtarëve vullnetmirë që të bëhemi falënderues për të gjitha mirësitë dhe begatitë qe i kemi dhuratë nga krijuesi ynë, dhe të tregohemi bujarë duke u solidarizuar me njerëzit në nevojë, me jetimët dhe me të gjithë ata që presin përkujdesin dhe vëmendjen tonë.

Të jemi më mëshirues e tolerant, duke respektuar njeri-tjetrin dhe të lutemi që ditët e festës të vazhdojnë pa reshtur për të gjithë njerëzimin mbarë.

Le të lutemi e të festojmë të bashkuar dhe të flasim vetëm një gjuhë, atë të dashurisë, falënderimit dhe ndihmës reciproke me synimin e fitimit te kënaqësisë së Zotit.

Më lejoni t?ju uroj përzemërsisht të gjithë shqiptarëve brenda dhe jashtë vendit, Gëzuar Kurban Bajramin me lutjen që të shtohet mirëkuptimi, dashuria për njëri-tjetrin dhe të ketë paqe e mirësi në çdo fole familjare e shoqërore.

?Komb i dëshpëruar?/ Korea e Veriut ashpërson tonet ndaj SHBA-ve dhe aleatëve

Korea e Veriut ka vijuar kërcënimet e saj të forta ndaj SHBA-ve të cilat sipas tyre kanë dërguar avionë ushtarakë në disa zona pranë kufijve të tyre.

Një deklaratë shtetërore e shtetit komunist ka bërë me dije se hedhja e bombave në një ishull pranë zonave të tyre është një akt agresiv i një kombi të dëshpëruar.

?Ushtrimet ushtarake të armiqve janë akte agresive dhe ne do të përgjigjemi?,- shkruhej në deklaratën e tyre zyrtare.

Shtetet e Bashkuara dhe aleatët e tyre iu përgjigjën përsëri provës me raketë të Koresë së Veriut, por kësaj radhe përgjigja përfshinte një stërvitje me municion të vërtetë.

Dy bombardues B-1 nga një bazë e Guamit, së bashku me katër avionë luftarakë F-35 nga një bazë në Japoni, morën pjesë në demonstrimin e forcës mbi Gadishullin Korean që zgjati 10 orë.

Aeroplanëve amerikanë iu bashkuan avionë ushtarakë japonezë mbi ujërat japoneze dhe katër avionë luftarakë të Koresë së Jugut mbi gadishull, ku ata përdorën municion të vërtetë në zonën e poligonit Pilsung.

/Citynews