web counter
LEXO PA REKLAMA!

SHKARKO APP

App Store
Google Play

E fundit!

x

Shtatori sjell “stuhinë” në PS/ Ndryshime drastike në Kryesi dhe struktura të tjera drejtuese

25 Gusht 2017, 08:48, Aktualitet CNA

 

Muaji shtator nuk do të sjellë ?stuhinë? vetëm në institucionet publike dhe ato të drejtësisë por edhe në rradhët e Partisë Socialiste, të drejtuar nga kryeministri Edi Rama. Reformimi do të prekë Kryesinë por edhe struktura të tjera drejtuese të kësaj partie, por në veçanti do të sjellë ndryshime drastike nëpër degët lokale të PS-së.

Duke ju referuar një dokumenti të firmosur nga Sekretari për Organizimin Administrativ të PS-së, ku jepen detaje rreth zgjedhjeve që do të mbahen në PS, gazeta ?Sot? publikon se Partia Socialiste do t?i nënshtrohet dy palë zgjedhjeve. Procesi i parë, për organizatat socialiste, do të nisë në 15 shtator dhe do të mbarojë më 30 tetor, ndërkohë që faza e dytë do të jetë konstituimi i këshillave socialiste të njësive administrative. Ky proces do të zhvillohet nga data 1 deri në 15 nëntor 2017.

Por një tjetër proces reformues është edhe ristrukturimi i degëve të PS jashtë vendit. Sipas dokumentit, ristrukturimi do të nisë me degët në Itali dhe Greqi, ndërsa do shtrihet edhe në shtete të tjera. Mirëpo një tjetër fakt interesant është se të gjitha degët të cilat rezultuan humbëse në zgjedhjet parlamentare të 25 qershorit, pritet të përfshihen nga vala e ndryshimeve në të cilat do zhvillohen zgjedhje të reja, pasi në to, kryeministri Edi Rama do të vendosë emra të rinj.

Ja çfarë shkruhet në tekstin e relacionit

Pas fitores së madhe në 25 qershor, kryeministri Edi Rama ka vendosur të ndërmarrë një reformë rrënjësore në Partinë Socialiste. Po kur dhe çfarë do të ndodhë konkretisht? Gazeta disponon një relacion në të cilin jepen detaje të hollësishme rreth asaj që pritet të ndodhën në partinë më të madhe politike në vend. Kështu në relacion shkruhet se Organizata Socialiste duhet të zhvillojë mbledhjen zgjedhore pas çdo fushate të zgjedhjeve të përgjithshme dhe vendore, ndërsa theksohet se në çdo rast duhet respektuar periudha kohore. ?Organizata Socialiste e zhvillon mbledhjen zgjedhore, si rregull pas çdo fushate për zgjedhjet e përgjithshme dhe vendore, por në çdo rast duke respektuar një periudhë jo më të gjatë se 2 vjet?. Fushata e mbledhjeve zgjedhore në parti pas zgjedhjeve vendore të vitit 2015 është zhvilluar në periudhën 10 shtator-15 dhjetor 2015 dhe gjatë kësaj periudhe janë zhvilluar mbledhjet zgjedhore në OS në periudhën nga 15 shtatori-15 nëntor; zgjedhja e delegatëve të Kongresit të Partisë sipas parimit një anëtar një votë; konstituimi i Këshillave Socialiste të Njësive Administrative, i AS të bashkive dhe zgjedhja e kryetarëve të partisë të bashkive.

Pas zgjedhjeve të përgjithshme të 25 qershorit të këtij viti, në zbatim të nenit 23 të Statutit të partisë duhet të zhvillohet fushata për zgjedhjet e reja në OS sepse bëhet analiza e rezultatit zgjedhor për çdo OS- QV, lind nevoja për riorganizime e përmirësime në strukturat bazë të partisë dhe përfundon mandati dyvjeçar i drejtuesve të OS dhe kryetarëve të Njësive Administrative?, thuhet në relacion. Ndërkohë; në relacion shkruhet se pas përfundimit për zgjedhjet e reja në OS, duhet të bëhen ndryshime edhe në nivelin e këshillave Socialiste të njësive Administrative në përbërje të bashkive. ?Ndërkohë pas përfundimit të mbledhjeve për zgjedhjet e reja në OS në varësi nga ndryshimi në riorganizimin e OS dhe në drejtimin e tyre, nisur dhe nga rezultatet elektorale të njësisë administrative dhe angazhimi i kryetarëve të KS të NJA në zgjedhjet e përgjithshme, lind nevoja edhe për ndryshime e përmirësime edhe në nivelin e Këshillave Socialsite të Njësive Administrative në përbërje të bashkive?, thuhet ndër të tjera në relacion./ CityNews





Lajmet e fundit nga