web counter
LEXO PA REKLAMA!

SHKARKO APP

App Store
Google Play

Vasili sulmon sërish Ramën/ I'a vrave shpresën bizneseve, kryeministër ku je!

19 Gusht 2017, 08:56, Aktualitet CNA

Ish- kreu i LSI, njëherazi kreu i grupit parlamentar, Petrit Vasili, ka vijuar sulmet ndaj kryeministrit Edi Rama.

Ai ka publikuar disa shifra, nga një raport i Bankës së Shqipërisë, që evidenton se bizneset shqiptare kanë investuar, ndryshe nga vitet e tjera, një kapital shumë të madh jashtë vendit.

Nëpërmjet një postimi në rrjetet sociale, Vasili shkruan se Edi Rama nuk u ka ofruar siguri nëpërmjet politikave ekonomike bizneseve, që sa vijnë dhe po investojnë shumë pak në Shqipëri.

Ai shprehet se dëgjesat që Rama bën me qytetarët nuk i nevojiten aspak bizneseve, si dhe shton se nëse vendi vijon të qeveriset në këtë mënyrë situata do jetë edhe më e rëndë.

Statusi i plotë

?Atrofizimi i përditshëm i ekonomisë, kryeministër ku je?

Banka e Shqiperisë raporton se:

Është e qartë edhe për shqiptarin më të thjeshtë se këto qindra milionë euro ikin nga Shqipëria sepse klima për biznesin është mbytëse dhe asfiksuese. Stimuj që biznesi të investojë këtu nuk ka. Fitimet janë shumë të pakta. Ulja kritike e konsumeve dhe frika e pasiguria për të nesërmen i ul vazhdimisht këto konsume. Kontrollet fiskale mesjetare dhe sjelljet prej satrapësh të administratës tatimore krijojnë një dekurajim dhe depresion të përditshëm tek biznesi.

Asgjë me vizion në ekonominë shqiptare, thjeshtë zhvatje e ditës dhe mpakje e pandalshme e ekonomisë shqiptare.

Shkollëpakti kryeministri ynë edhe nuk e kupton këtë, edhe bën sikur nuk e kupton, të dyja janë rrënim shkatërrimtar afatgjatë për vendin.

Llogjet e dëgjesave të shkollëpaktit ia shpifën biznesit, ia vranë shpresën dhe optimizmin ndaj edhe ai largohet jashtë vendit duke krijuar papunësi edhe më të thellë dhe një varfëri që nuk ndalet, por bëhet akoma më e rëndë?, shkruan Vasili./CityNews





Lajmet e fundit nga