web counter
LEXO PA REKLAMA!

SHKARKO APP

App Store
Google Play

E fundit!

x

Analisti zbulon fatin e LSI/ Çfarë e pret në të ardhmen

14 Gusht 2017, 15:13, Aktualitet CNA

Analisti Fatos Lubonja ka bërë një shkrim në gazetën ?Panorama?, ku ka ?zbuluar? edhe fatin që e pret në të ardhmen LSI.

Sipas tij, kjo forcë politike ka dy mundësi: ose të krijojë një parti të majtë me rrënjët në tokë ose gjethet e saj të mbetura në ajër të bashkohen me trungun e Partisë Socialiste dhe ta ushqejnë me humus.

Lubonja shton se më shumë mundësi ka që të ndodhë kjo e dyta sepse të besosh të kundërtën është e pamundur.

?Në këtë kushte LSI-ja, edhe pse mori një numër të konsiderueshëm deputetësh në sajë të dhjamit që kishte vënë kur ishte në pushtet, sot është çdo ditë e më shumë me ?ventuzat? në ajër. Sot pyetja që shtrohet është: a mundet LSI-ja me burimet njerëzore që ka, d.m.th. njeriun që ndjek partinë vetëm për paratë, të ndërtojë një parti të majtë (siç vetëquhet pa qenë e tillë deri më sot) me rrënjët në tokë, d.m.th te shtresat më të brishta të shoqërisë, të kërkojë më shumë shtetin social, mbrojtjen e publikes nga agresioni i privates dhe të kontribuojë për shembjen e kësaj oligarkie të papërgjegjshme dhe kriminale? Apo gjethet e degët e saj të mbetura në ajër, pa ventuza të ngulitura në trungun e PS-së do të thahen e do të bëhen humus për ta ushqyer atë? Me ?pesimizmin e intelektit? mund të them se gjasat më të mëdha janë që të ndodhë kjo e dyta sepse të besosh të kundërtën është sikur të besosh se një bimë kacavjerrëse mund të shndërrohet në pemë me rrënjë në tokë. Me ?optimizmin e vullnetit? mund të them se s?duhet reshtur së kërkuari, qoftë edhe nga LSI-ja një mutacion i tillë (ashtu sikurse kërkova në shkrimin paraardhës kthimin e PD-së dëshpërimisht dëshpëruese në një parti të djathtë sociale). Kjo sepse vendi është në ditët më të errëta për sa i përket shpresës se këtu mund të mbesin për të jetuar njerëz normalë, që nuk jetojnë thjesht e vetëm për fitimin e parasë duke grabitur të tjerët dhe të ardhmen e fëmijëve të këtij vendi, por që të kenë inteligjencë për të parë se ku po shkon ky vend në duart ku ka rënë, simpati dhe empati për të tjerët, aspirata për ta humanizuar këtë shoqëri?, shkruan Lubonja./CityNews

 





Lajmet e fundit nga