E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Vettingu/ Zgjerohen hetimet ndaj gjyqtarëve dhe prokurorëve

12 Gusht 2017, 10:04, Aktualitet CNA

Mbi dy mijë të afërm të gjyqtarëve dhe të prokurorëve janë duke u verifikuar nga Inspektorati i Lartë i Deklarimit dhe Pastrimit të Parave, nga Hipoteka dhe nga Drejtoria e Parandalimit të Pastrimit të Parave. ILDKP, organi kyç që po merret me verifikimin e pasurisë së gjyqtarëve dhe prokurorëve në kuadër të vettingut, ka zbuluar se pjesa dërmuese e njerëzve të drejtësisë pronat i kanë në emër të të afërmve dhe familjarëve të tyre. Lajmi raportohet nga gazeta ?Sot?, sipas tw cilws nga verifikimet që janë bërë, rezulton se banesat, bizneset, tokat dhe pasuri të tjera në rastet më të shumta janë në pronësi të bashkëshortëve dhe familjarëve të gjyqtarëve dhe të prokurorëve. Ka dhe raste të tjera kur ato janë në emër të prindërve të tyre.

Për këtë arsye, ka nisur një verifikim shumë i gjerë nga ILDKP, e cila ka vënë në lëvizje hipotekat dhe DPPP për të parë më me detaje situatën. Sipas informacioneve, po shihet nëse pronat kanë ndryshuar pronësi kohët e fundit, si dhe nëse janë shtuar apo blerë. Nga burimet pranë ILDKP, numri total i të afërmve dhe familjarëve të gjyqtarëve dhe i prokurorëve që po verifikohen, arrin në mbi dy mijë. Këtu futen prindërit, bashkëshortët dhe fëmijët e tyre, ndërsa në disa raste dhe krushqitë dhe të afërm të tjerë.

Dyshimet janë se gjyqtarët dhe prokurorët e kanë shpërndarë pasurinë e tyre, duke mos mbajtur në emër të tyre gjithçka, pasi disa apartamente i kanë kaluar në emër të bashkëshortëve ose bashkëshorteve, apo dhe në emër të fëmijëve dhe prindërve të tyre. Sipas të dhënave, vitet e fundit ka pasur një trend rritës të pronave që administrojnë fëmijët e gjyqtarëve dhe të prokurorëve.

Shumë prej atyre që i kanë fëmijët në moshë madhore, u kanë besuar biznese dhe kompani të ndryshme dhe kjo po verifikohet nga ILDKP nëse gjithçka është në rregull apo ka tentativa për të fshehur pasuritë. Nga ana tjetër, mësohet se Hipoteka është duke punuar duke verifikuar çdo dosje pronësi, pasi ka shumë nga ata që kanë shitur dhe kanë blerë prona gjatë vitit 2016 dhe në gjysmën e parë të vitit aktual. Dyshimet janë se ka pasur mashtrime me vlerën e pronave dhe për këtë arsye po shihet çdo detaj me kujdes. Në shtator pritet që të jepen efektet e para të vetingut dhe aty do dalin dhe emrat e parë që nuk e justifikojnë dot pasurinë./ CityNews