web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PS kërkoi arrestimin e kryebashkiakut të PDIU/ Si reagoi Policia?

30 Korrik 2017, 07:37, Aktualitet CNA

Deputeti i Partisë Socialiste, Erjon Braçe, ditën e djeshme ?shpërtheu? në akuza kundër kryebashkiakut të Rrogozhinës, Beqir Nuredini, i cili vjen nga radhët e PDIU.

Por, pas kërkesës së Braçes që Nuredini të arrestohej sepse po ndot ambientin duke djegur mbeturinat, ka ardhur edhe reagimi i policisë.

Në një njoftim për shtyp, policia ka pranuar që janë djegur mbeturinat, por nga persona ende të paidentifikuar.

Njoftimi i Policisë

Sot me datë 29.07.2017, rreth orës 17.00, jemi njoftuar nga Salla Operative Kavajë se në lagjen “Numër 1” të qytetit Rrogozhinë në vendin e quajtur “Ura e Lumit Shkumbin” po digjen mbetje urbane.

Menjëherë shërbimet e Policisë shkuan në vendngjarje ku ishin të pranishëm dhe një grup inspektimi nga Inspektoriati Shtetëror i Mjedisit dhe Pyjeve nga të cilët u mbajt dhe një proces-verbal inspektimi.

Nga kqyrja e vendit të ngjarjes rezultoi se në adresën e mësipërme në një sipërfaqe 170 m x 40 m po digjeshin mbetje  urbane në dukje të vjetra.

Nga nderhyrja e shërbimeve të PMNZSH u bë shuarja e zjarrit.

Nga djegia e këtyre mbetjeve nuk rezulton të ketë dëme materiale.

Nga hetimet paraprake rezulton që Bashkia Rrogozhinë ka rreth katër vite që nuk e perdor këtë vend për grumbullim të mbetjeve urbane  pasi ka kontraktuar një firmë për depozitimin e tyre në Landfillin e Elbasanit.

Hetimet vazhdojnë deri në sqarimin e rrethanave dhe dokumentimin e plotë të ngjarjes.

Nga ana jonë u kryen veprimet e para proceduriale dhe materialet do të shkojnë për vlerësim pranë Prokurorisë së Rrethit Gjyqësorë Kavajë, për veprën Penale ?Ndotja e Ajrit? parashikuar nga neni 201 i Kodit Penal./CityNews





Lajmet e fundit nga