Skandal-Edi Rama nxit dhunën në familje/Çfarë i tha shkodranit

24 Korrik 2017, 14:45, Aktualitet CNA

Ish-kryeministri Sali Berisha ka sulmuar ashpër kryeministrin Edi Rama, teksa është ndalur te dëgjesa e tij e fundit me qytetarët e Shkodrës.

Në rrjetet sociale, Berisha e quan skandal dialogun e Ramës me një qytetar, me të cilin flet për dhunë në familje dhe i thotë se e meriton të rrihet nga gruaja.

Sipas tij, kjo është një vepër penale, nxitje dhune famijare, teksa sjell në vëmendje arrestimet e shumta për vrasje apo plagosje të gruas apo burrin.

Ja statusi i plotë:

Skandal! Rama ne mexhlise mbeshtet dhunen ne familje: “Ti e meriton qe te rref gruaja”, i thote ai nje diskutanti ne mexhlis.
Sipas tij, dajaku ne mes te bashkeshorteve qenka i merituar. Kjo eshte nje veper penale, nxitje dhune familjare. Ne Burgjet e Shqiperise jane me dhjetra bashkeshorte qe kane vrare apo plagosur bashkshortin apo bashkeshorten.
Se nga niset konkretisht Edvini per nje perfundim te tille skandaloz, une nuk e di, por ajo qe dihet boterisht per te, eshte se ai behet kollaj i dhunshem dhe eshte i pasur ne episode dhune!
Ju lutem lexoni artikullin e meposhtem per kete skandal te vertet! sb
GAZETAEXPRESS E hënë, 24 Korrik 2017 14:25Dhuna në familje është një plagë e shoqërisë shqiptare, e cila fatkeqësisht vazhdon të shfaqet.
Por në ndryshim nga më parë, gratë e dhunuara kryesisht nga bashkëshortët e tyre, janë ndërgjegjësuar dhe nuk e gjejnë me veten fajtore. Ato tashmë kanë gjetur kurajën dhe guximin për t?i denoncuar rastet në polic, çka shihet edhe në deklaratat zyrtare të Policisë së Shtetit, për rastet e kërkesave për urdhra mbrojtje nga dhunuesit familjarë. Por ndërsa shoqëria po i bën luftë kësaj plage, kryeministri Edi Rama ka bërë një gjest të paprecedentë këtë të hënë nga Shkodra, kur e ka ?legjitimuar? dhunën në rastet kur bashkëshortët ?sipas tij ? e meritojnë!!!
Këtë të hënë, kryeministri Rama mbajti një dëgjesë me banorët në Shkodër, në kuadër të politikës së re që ai do të ndjekë në mandatin e dytë, bashkëqeverisjen me qytetarët. Teksa ka dëgjuar shqetësimet e tyre, një burrë është ngritur dhe në një pjesë të fjalisë tha: ?Me shku në shtëpi na rref gruaja?.
Përgjigjja e Ramës, edhe pse kaloi me të qeshura nga të pranishmit, është mjaft e rëndë: ?Ti e meriton?, u shpreh kreu i qeverisë.
A e meritojnë shqiptarët të goditen në plagën e tyre më të rëndë? E më keq akoma, të shënohet një kthesë kur tashmë viktimat e dhunës nuk kanë më frikë të flasin dhe të denoncojnë?! Përgjigjja e kryeministrit ndoshta vjen e thjeshtë: Ishte një batutë!!!/CityNews