web counter
LEXO PA REKLAMA!

SHKARKO APP

App Store
Google Play

E fundit!

x

Pasuritë e ministreve dhe ish-ministreve të Ramës/ Zbulohet ku punojnë familjarët e tyre

20 Korrik 2017, 14:03, Aktualitet CNA

Ditën e sotme janë publikuar pasuritë e ministreve të Edi Ramës, gjatë vitit të kaluar nga portali Open Spending Albania.

Në deklaratat vjetore të cilat zyrtarët e lartë i depozitojnë çdo vit në ILDKP, janë të detyruar të deklarojnë edhe të ardhurat dhe vendet e punës së familjarëve të tyre.

Në bazë të deklaratave të vetë ministreve, mësohet se bashkëshorti i ministres Eglantina Gjermeni, Marian Gjermeni punon si Drejtor i Departamentit të Operacioneve Monetare në Bankën e Shqipërisë dhe paga e tij vjetore është 3.8 milionë lekë.

Ndërsa bashkëshorti i ministres Ermonela Felaj, Bledar Valika punon si Oficer i Policisë Gjyqësore në Prokurorinë e Krimeve të Rënda dhe paga e tij vjetore në vitin 2016 ka qenë 960 mijë lekë.

Bashkëshorti i ministres së Integrimit, Klajda Gjosha, Ardian Gjoni ka deklaruar në 2016 të ardhura nga fitimi pas tatimit si person fizik 1.7 milionë lekë, ndërsa paga e tij ka qenë 301 mijë lekë.

Bashkëshorti i ish ministres së Arsimit Lindita Nikolla, Ligor Nikolla ka deklaruar për vitin e kaluar pagën neto si Dekan në shumën 1.2 milionë lekë. Ndërkohë që vajza e ish ministres, Livia Nikolla ka deklaruar pagën neto prej 886 mijë lekë si Specialiste në Departamentin e Stabilitetit Financiar në Bankën e Shqipërisë.

Ministrja e Inovacionit, Milena Harito ka deklaruar sipas ILDKP-së pagën vjetore 114 mijë euro për bashkëshortin e saj, Isidor Shteti i cili punon në Bankën ?Credit Agricole? në Paris.

Ministrja e Ekonomisë, Milva Ekonomi në deklarimin vjetor ka përfshirë veç pagës së saj edhe të ardhurat nga paga të vajzës Abi Dodbiba në katër vende pune.

Ministrja e Mbrojtjes, Mimi Kodheli ka deklaruar të ardhura nga paga të bashkëshortit, Lekë Kodheli në shumën 331 mijë lekë si dhe djali Mikel Kodheli për 2 muaj ka pasur një pagë 57 mijë lekë.

Ministrja e Kulturës, Mirela Kumbaro ka deklaruar të ardhurat e bashkëshortit gazetar, Aleksandër Furxhi në shumën 4.2 milionë lekë si dhe të ardhurat nga honorarët të vajzës në Bankën Botëore në shumën 81 mijë lekë.

Ish ministrja e Shëndetësisë Ogerta Manastirliu ka deklaruar të ardhurat nga puna e bashkëshortit si drejtor i OSSHE që për 12 muaj ka marrë 1.5 milionë lekë. Gjithashtu bashkëshorti i ish ministres në 2016 ka pasur të ardhura edhe si konsulent./CityNews

 





Lajmet e fundit nga