web counter
LEXO PA REKLAMA!

SHKARKO APP

App Store
Google Play

E fundit!

x

Emrat/Kush janë dy kandidatët për deputetë të LSI në “listën e zezë” të Ramës

12 Korrik 2017, 16:50, Aktualitet CNA

Kryeministri Edi Rama publikoi sot 100 emrat e parë të punonjësve të institucioneve shqiptare, të cilët kanë abuzuar me qytetarët. Mes emrave të publikuar nga Rama është edhe ai i ish-drejtorit të ALUIZNI-t Durrës, Flamur Gjuzi.

Flamur Gjuzi ishte kandidat për deputet i Lëvizjes Socialiste për Integrim në Durrës, ku renditej i treti në listë, por që nuk arriti të merrte mandatin.

I lindur e rritur në zonën e Shijakut, Gjuzi ka qenë kreu i ALUIZNI-t prej vitit 2013 deri në vitin 2017.

Në profilin e tij, Gjuzi njihet si ish-punonjës i policisë së shtetit, ku mori pjesë në mbrojtjen e komisariatit të Durrësit, duke mos lejuar djegien e tij në vitin 1997; i trajnuar dhe dekoruar nga ambasada amerikane në 2004 si oficeri me rezultatet më të shkëlqyera në luftën ndaj trafikut të qenieve njerëzore.

Gjithashtu, në listën e Ramës ishte dhe një tjetër kandidat për deputeti i LSI. Bëhet fjalë për Ediola Brahën, e cila ishte e dyta në listën Gjirokastrës. Braha ka qenë drejtoreshë e spitalit në Tepelenë./CityNews





Lajmet e fundit nga