George Sorosi, "ferra ndër këmbët" e kandidatëve garues për kreun e PD-së

10 Korrik 2017, 15:10, Aktualitet CNA

Multimiliarderi amerikan me origjinë hungareze, George Soros, po del të jetë ferrë edhe ndër këmbët e dy kandidatëve të djathtë garues për postin e kryetarit të PD-së.

Pas një qetësia disajavore hija e multimiliarderit është rikthyer sërish në temë dite. Këtë herë jo për të majtët, që në fakt janë pjellë natyrale e kohezionit politik të Sorosit, por të djathtët e vetëdeklaruar si të tillë dhe të shpallur publikisht si kundërshtar ideologjik e politik të manjatit që luan ndër bursat ndërkombëtare fondet e partive të majta.

E reja në këtë mes nuk është ajo çka cituam më sipër, por fakti se ideologjia sorosiane ka kapur edhe Lulzim Bashën, kryetarin e katërveçarit të shkuar të Partisë Demokratike, nën drejtimin e të cilit kjo forcë politike njohu humbjen më të thellë në zgjedhjet e 25 qershorit.

Pas humbjes tragjike, në vend të dorëheqjes së parevokueshme, Lulzim Basha zgjodhi të rikandidoj për postin e kryetarit, duke komunikuar si masë vetëndëshkimi për humbjen ngrirjen e funksionit të kryetarit, ndërkohë që në garën e përballjes me të u fut edhe Eduart Selami.

Ky i fundit, ndër të tjera, ka zgjedhur si argument sulmi ndaj kundërshtarit të tij Basha denoncimin e qënies së tij pjesë e konglomeratit sorosian. Një fakt ky i fshehur deri më sot, nga Lulzim Basha, por edhe prej paraardhësit të tij Sali Berisha, i njohur për informacionin ndriçues të sekreteve, por edhe si një kundërshtar i ashpër i Sorosit.

Në rastin Basha mekanizmi ndriçues i Berishës duke se nuk ka funksionuar, edhe pse hipja e Lulzim Bashës në krye të PD-së ka qenë një përzgjedhje personale e Sali Berishës, pas dorëheqjes së tij nga humbja e zgjedhjeve të 2013.

Publikimin e qënies së Lulzim Bashës produkt sorosian rivali Selami e bëri nga qyteti i Korçës, ku ai dhe Basha ndodheshin në kuadër të vijimësisë së garës elektorale brendapartiake.

Pasi një nga të pranishmit në sallë i pyeti dy kandidatët për Sorosin dhe organizatën sorosiane, Selami mohoi të kishte lidhje edhe pse bashkëshortja e tij, gazetarja Ilva Tare drejton fondacionin Soros në Shqipëri.

Ndërkohë që edhe Lulzim Basha mohoi të ketë lidhje me miliarderin, duke e vlerësuar organizatën e Sorosit ?mbështetëse të socialisteve dhe Edi Ramës?, Selami i bëri thirrje Bashës të ishte i sinqertë dhe të tregonte që fondacioni ?Soros? i kishte paguar bursën për studimet e tij në Holandë dhe për këtë ekzistojnë edhe filmime.

Ky fakt është jo vetëm nxjerrje e një prej sekreteve që Lulzim Basha e ka mbajtur të fshehur, por edhe konfirmim i denoncimit të faktit të publikuar nga CityNews, i cili për më shumë se një herë ka publikuar se lista Basha e kandidatëve për deputet të Republikës së Re është e diskutuar dhe e sunduar nga sorosianët. Pas saj fshihet Henri Çili, Grida Duma etj., soj e sorollop, ka denoncuar CityNews të vërtetën e të cilit po e konfirmon edhe përballja Selami-Basha./CityNews