web counter
LEXO PA REKLAMA!

SHKARKO APP

App Store
Google Play

Eni Çobani braktis përfundimisht Ardit Gjebrean?/Sqarohet e vërteta e largimit

7 Korrik 2017, 00:11, Aktualitet CNA

Pak ditë më parë në media filluan të qarkullonin fjalë se Eni Çobani do të largohej nga emisioni i saj ?Shihemi në gjyq?, për tu angazhuar në politikë. Me qëllimin për të sqaruar të vërtetat dhe të pavërtetat pas këtyre fjalëve, Eni u prononcua në një intervistë për ?Summer Pages?.

Ajo është shprehur e habitur në lidhje më këto deklarata dhe ka thënë se janë normalisht të pavërteta. Ajo thjesht ka folur për opinionin e saj rreth çfarë po ndodh në Shqipëri dhe këto deklarata janë keqkuptuar si një lëvizje drejt politikës.

Në lidhje me vazhdimin ose ndërprerjen e emisionit, Eni nuk ka lënë vend për dyshime: ?Misioni vazhdon javë pas jave do të jemi atje me zotin Gjebrea, të vazhdojmë këtë mision të madh jo vetëm tonin, por i të gjithë shqiptarëve që duan drejtësi. Dhe Eni Çobani  e ka zgjedhur prej pesë vitesh edhe vendin e saj, është motivi im, dhe do të vazhdojën në ndihmë të shqiptarëve?.

Ajo e konsideron emisionin një mision shpirtëror. ?Jam e nderuar dhe e privilegjuar nga një bashkëpunim siç është ai me zotin Gjebrea dhe me televizionin Klan, dhe nuk e kam menduar për asnje moment largimin apo ndarjen e këtij misioni timin shpirtëror, tanimë dhe profesional, nga fusha e ndërmjetësimit. Pra, Eni Çobani përfundimisht do të vazhdojë ndërmjetësimin me shqiptarët, për t?iu thënë edhe politikës, edhe opinionit, që pa vënë drejtësi në këtë vend nuk do të ketë kurrë qetësi,? ka komentuar ajo.

Përtej figurës serioze në televizion, Eni ka një peng të madh në jetën e saj personale. Kur u pyet nëse e ka peng faktin që nuk ka një vajzë, ajo tha: ?Mos më pyet për këtë, sepse do të lotoj. Është një mungesë e jashtëzakonshme! Jo se këtë mungesë nuk ma plotëson djali, ma ka premtuar se do ta bëjë ai një, kështu që nuk do të më mungojë. Duke ditur se çfarë jam për familjen time, mendoj që në një vajzë, po ta kisha bërë unë, do të ishte e veçantë. Është një peng?./CityNews





Lajmet e fundit nga