E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Selami: Nuk habitem nëse humb/Kjo është arsyeja

5 Korrik 2017, 19:39, Aktualitet CNA

Kandidati për kryetar të PD-së si dhe deputeti në largim Eduart Selami ka folur sot për mosmarrëveshjet e tij me kreun e ngrirë të opozitës Lulzim Basha dhe vendimin e tij për t?iu futur garës.

Përballë gazetares Eni Vasili në emisionin ?Studio e Hapur? në News24, Selami tha se nuk është i befasuar nga humbja e PD-së. Ai deklaroi se ka marrë pjesë në fushatë dhe ka mbështetur kandidatët pavarësisht se nuk ishte në listën e kandidatëve për deputetë. Selami u shpreh se ndodhet në garë për tu dhënë shansin demokratëve të zgjedhin vizionin e ri. Sot, sipas tij PD është më pak demokratike se asnjëherë në 27 vite.

A e prisnit rezultatin e PD?
E kam thënë që ishte humbje e thellë por jo surprizë. Trajektorja e përkrahjes së PD-së ka kohë që ka shkuar në drejtimin e gabuar. Ndaj e kam ngritur zërin lart. Mendimi im është që pavarësisht nga humbja e thellë nuk jam i befasuar.

Ju nuk reaguat pas listave të Bashës, edhe pse u latë jashtë?
Ajo që tërhoqi vëmendjen ishte koha për fushatë jo për analizë. Kur shpallet një listë, kur vjen një listë atëherë është shumë vonë për të bërë këtë gjë. Kam bërë dhe fushatë, kam mbështetur kandidatët tanë.

Ju thoni që keni marrë pjesë në fushatë, ku konkretisht?
Ishte pak e shkurtër por unë kam qenë dhe jam i caktuar tek njësia 2 në Tiranë. Për shkak të ligjit që është, që mendoj se duhet ndryshuar, është i tillë që mund të lëvizin deputetët. Nga kontaktet që pata me miqtë e mi gjithmonë habitesh nëse fiton kundërshtari.

Ju kur e vendosët që do merrnit pjesë në garë? Ishte spontane apo e menduar?
Ishte e menduar patjetër, në kuptimin që vij për të dhënë një kontribut. Kam qenë gati për të kandiduar dhe në zgjedhjet e kaluara. Por kam biseduar me zotin Basha dhe kam parë tek ai një njeri me vizion dhe ndaj u tërhoqa. Kur nuk e pashë që nuk po ecte, atëherë kam dalë në një deklaratë të fortë. Makina ishte pa frena dhe askush nuk po e çonte në servis.
Ka një mospërputhje të gjërave që ai thotë se do të bëhen dhe ato që bëhen.

Përse po e vazhdoni garën?
Sepse për mendimin tim, një tokë e pluguar keq është më mirë se një tokë e papluguar. Basha duhet të jepte dorëheqjen, nisur nga përmasat e humbjes, ta privonte edhe veten nga një kandidim i ri. Po gabon si politikan i ri, por është zgjedhja e tij. Në këtë periudhë të vështirë mendoj tua jap shansin demokratëve të zgjedhin vizionin e ri. Garën nuk e kam me zotin Basha por me vizionin bashkëkohor. Edhe garat e pabarabarta mund të fitohen. Forca e fushatës sime është në modelin që ofroj.

27 vjet janë shumë për të bërë një bilanc. Ka qenë shumë më shumë demokratike PD në fillimet e saj. Sot është më pak demokratike se në fillimet e saj. Edhe atëherë deputetët propozoheshin nga baza, i sillte dega dhe pastaj promovoheshin nga këshilli Kombëtar. Erdhi duke shkuar në zbehje. Totalitarizmi e mundi.