Ekskluzive-Detajet nga mbledhja e Kryesisë/Salianji shante dhe fyente Malltezin

5 Korrik 2017, 10:41, Aktualitet CNA

Kryesia e Partisë Demokratike u mblodh dy ditë më parë për të diskutuar mbi kandidaturat për kreun e ri të PD, prej ku ka nisur një garë farsë mes Lulzim Basha dhe Eduard Selamit.

Mbledhja e Kryesisë së PD u shoqërua me debate të ashpra dhe ishte një ndër mbledhjet më të forta që zhvillohej në selinë blu.

Kreu aktual i PD, Lulzim Basha, siguroi garën me 14 vota, pra rreth 20% të Kryesisë. Basha vendosi të jetë pjesë e garës me vetëm 20% të Kryesisë, vendim ky që tregoi qartë destabilitetin e madh që ka partia e dytë më e madhe në vend në këto momente.

Përtej debateve të forta, në mbledhjen e Kryesisë nuk munguan dhe fyerjet e sharjet. CityNews ka siguruar një detaj, që nxjerr zbuluar deputetin e ri të Lulzim Bashës, i cili sapo është zgjedhur i tillë flet në selinë blu me një gjuhë rruge dhe fjalor të rëndomtë. Bëhet fjalë për të dytin e listës Basha në Korçë, i cili në shtator do përfaqësojë qytetarët në Parlament, Ervin Salianji.

Gjatë kohës që ka qenë duke folur Jamarbër Malltezi në mbledhje, Salianji ka ndërhyrë, duke iu drejtuar folësit me sharje, fyerje dhe një fjalor ordinerësh.

CityNews ka arritur të sigurojë një audio nga momenti i sharjeve të Salianjit, i cili ka ?shpërthyer? pa ndonjë aryse ndaj Malltezit, teksa ky i fundit i ishte drejtuar Edi Palokës, duke i kërkuar që mbledhja të kishte rregulla, ku të fliste ai pro dhe pastaj ai kundër.

Një nga mbështetësit kryesor të Lulzim Bashës, Ervin Salianji në mënyrë të pakontrolluar i drejtohet Malltezit me një fjalor rruge dhe të papranueshëm për një deputet tashmë, duke i thënë: ?Qelbësirë, maskarenj, plehra, shkatërruesit e PD?.

Nga ana e tij, Jamarbër Malltezi nuk ka bërë asnjë reagim, duke injoruar me heshtje deputetin e ?famshëm? të Bashës. Malltezi ose nuk e ka dëgjuar vërtet ose ka bërë sikur s?e ka dëgjuar për të shmangur përplasjet me Salianjin dhe të tjerët, që mesa duket ka qenë një grup i parapërgatitur.

Siç duket Lulzim Basha, përveç sharësve me pagesë që përdor për të sulmuar e fyer në rrjetet sociale, ka ?kurdisur? dhe ?ushtarët? e tij në Kryesi për të fyer e sharë drejtpërdrejt kundërshtarët./CityNews