web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë nga PS/ Deputeti socialist flet hapur për koalicionin me PD

26 Maj 2017, 17:35, Aktualitet CNA

Partia Socialiste vijon takimet elektorale në të gjithë vendin për zgjedhjet e 25 Qershorit. Drejtuesi politik i PS në qarkun e Elbasanit, Taulant Balla, u ndal në Kuturman. I shoqëruar nga kryetari i Bashkisë, Kastriot Gurra, dhe nga kandidatët e kësaj zone ata zhvilluan një bashkëbisedim me banorët e këtij fshati, ku i njohën me reformat e qeverisë, si dhe projektet për katër vitet e ardhshme të qeverisjes.

?Sot është një ditë e veçantë, unë jam këtu me ju, Edi Rama është me Donald Trump në Bruksel edhe Lul Basha duke nda me Nard Ndokën ku do kandidojë Nard Ndoka edhe me atë kaubojsin që përzumë ne. Të gjithë duhet ta dimë që nuk ka dyshim që Edi Rama do të jetë sërish kryeministër dhe PS do t?i fitojë këto zgjedhjet. Duhet ta dini që sa mirë kemi ecur ne me investimet në zonën tonë Librazhd, pasi kemi marë shumë investime krahasuar me shumë bashki të tjera, por do të kishim marrë më shumë nëse PS do të kishte pasur 71 mandate vetëm.

Kësaj radhe është votimi më i rëndësishëm që kemi pasur në gjithë këto vite, o Shqipëria vazhdon në drejtimin e nisur ose larg qoftë kthehemi ku ishim në 2013. Në rast se PS nuk siguron e vetme qeverisjen 71 do duhet të bëjmë përsëri koalicione. Ato të PD-së i genjen mendja e kujtojnë se do i marrim ata, po na ka lujt mendja ne të marim ato. Ne i morëm për këtë marrëveshje për shkak se na duhet të mos e vonojmë asnjë ditë Vettingun dhe që donim që kur Rama të shkonte në Bruksel për të takuar Trumpin dhe Merkelin ne ta kishim filluar procesin e Vettingut me qëllim që menjëherë më pas të hapen negociatat për anëtarësimin e Shqipërisë në BE, që djemtë e Kuturmanit të cilët kanë pushtuar Europën mos jenë më si emigrantë të paligjshëm, por të udhëtojnë me një pasaportë të një vendi anëtar të BE. Nuk kemi kohë për të humbur?, tha Balla.

Balla vijoi më tej se ky mandat është mandati i punësimit dhe me të njëjtin angazhim që punuam për Reformën në Drejtësi tani duhet të punojmë për punësimin./CityNews





Lajmet e fundit nga