web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 qershorit/Ja sa mandate ndajnë partitë në Korçë sipas votave në dy përballjet e fundit

24 Maj 2017, 09:32, Aktualitet CNA

CityNews po bën një projeksion të rezultatit të zgjedhjeve sipas pjesëmarrjes dhe shifrave zyrtare të vitit 2013. Këto janë të vetmet shifra me të cilat mund të përllogariten votat e çdo force politike, por në kushtet e reja të tërheqjes së partive të vogla aleatë majtas apo djathtas, sërish është më e lehtë për të dalë në një përfundim dhe për të bërë një projeksion të përafërt të rezultatit të zgjedhjeve.

Në qarkun e Korçës në zgjedhjet e vitit 2013, lista ka pasur 273 mijë zgjedhës dhe kanë votuar 148.340 qytetarë. Duke pjesëtuar këtë shifër me numrin e mandateve që ka qarku i Korçës rezulton që një mandat të jetë afërsisht 13.500 vota.

Ndërkohë PS dhe aleatët e saj regjistrojnë 88.136 vota së bashku me LSI, pa PDIU. Në rast se do të heqim votat e LSI që janë 14.416, PS dhe aleatët e saj kanë 72.720 vota. Kjo shifër e pjesëtuar në 13.500 vota një mandat rezulton që PS të ketë rreth 5.5 deputetë, duke shtuar votat e FRD dhe ndoshta një përqinje që mund të vijë nga ulja e LSI, afërsisht socialistët me rezultatin e 2013 sigurojnë 6 mandate, këtu janë përfshirë edhe rreth 3 mijë vota të PBDNJ.

Koalicioni i djathtë ka rreth 56.225 vota, duke i hequr votat e PDIU të cilat janë 1440 vota, PD dhe aleatët e saj kanë 54.785 vota, pjesëtuar kjo me 13.500 vota një mandat, PD ka 4 mandate.

E vetmja forcë politke që mund të sigurojë një mandat në qarkun e Korçës është LSI 14.416 vota në vitin 2013. Por ky mandat mund të sigurohet vetëm në rast se LSI i ruan këto vota, duke pasur parasysh pragmatizmin e zgjedhësve të LSI si dhe faktin e frymës së vitit 2013 se LSI do të ishte sërish parti në pushtet nuk duket të jetë ai reali për LSI, pasi në vitin 2009 LSI në qarkun e Korçës mundi të merrte vetëm 5.600 vota.

Në rast se LSI bie nga votat e saj duke shtuar edhe numrin e rritur të zgjedhësve me rreth 20 mijë nga viti 2013, PS dhe PD janë në betejë për një mandat. Pra kemi 6 mandate për PS, 4 për PD dhe 1 për LSI sipas rezultatit të vitit 2013. Me rezultatin e zgjedhjeve të vitit 2009 janë 6 mandate për PS dhe 5 PD.

Ky rezultat gjithmonë i projektuar dhe analizuar sipas votave të vitit 2013, pra pa futur këtu faktorin LIBRA, pakënaqësitë dhe pritshmëritë ndaj qeverisë dhe opozitës.

CityNews më tej do të sjellë edhe një analizë të disa qarqeve kryesore në vend, por edhe një rezultat përfundimtar sipas 2013 midis PD, PS, LSI dhe PDIU./CityNews





Lajmet e fundit nga