web counter
LEXO PA REKLAMA!

SHKARKO APP

App Store
Google Play

E fundit!

x

Intervista/ Damiano nxjerr ‘sekretet’ e jetës prej pasaniku në Suedi: Si më ndau Donjeta nga Armela

20 Maj 2017, 13:42, Aktualitet CNA

Historia e dashurisë Armela & Damiano në ?Big Brother 9?, tashmë është kthyer në një telenovelë që ngjall shumë interes.

Modelja e bukur 21-vjeçare nga Tirana dhe menaxheri 26- vjeçar që jeton në Suedi duket se kanë vendosur të ndahen pas daljes nga shtëpia e kamerave.

Ka pasur shumë hamendësime në lidhje me arsyen që po ndan çiftin, por në këtë intervistë Damioano Agalliu tregon për herë të parë për gazetën ?Panorama? personin e tretë që ndikoi negativisht në marrëdhënien e tyre romantike.

Veç të tjerash, ai rrëfen konceptin që ka për dashurinë dhe ofertat që ka marrë në Shqipëri, ku nuk përjashtohet edhe përfshirja e tij në politikë.

Mund të themi se je një nga lojtarët më protagonistë në nëntë vite ?Big Brother?. ?Instagram?-i u pushtua nga profile me emrin tënd, dole e hyre në lojë, e më pas u eliminove pasi shkele rregulloren. Ishte kjo gjithçka kishe planifikuar, apo të doli situata nga kontrolli?

Përshëndetje juve si gazetë dhe ju përgëzoj për punën tuaj! Dalja ime as nuk ishte e planifikuar nga unë, por edhe situata nuk doli jashtë kontrollit. Janë shumë gjëra për të cilat unë duhet të flas, por me kohën e duhur.

Në fillim me Donjetën çift, për të cilën u fol se keni kryer marrëdhënie seksuale në shtëpi. Sa të vërteta ka në këtë dhe çfarë të lidh ende me atë vajzë, të cilën shkon dhe e takon në Kosovë?

Nuk dua të them diçka për këtë histori. Një mashkull nuk flet në publik se çfarë kalon me një femër. Rëndësi ka që unë dhe Donjeta e dimë se çfarë kemi kaluar. Në Kosovë e takova sepse doja të zbusja këtë tension që ishte krijuar, por fatkeqësisht u përdor për vëmendje nga ajo. Kjo ishte ?thika e dytë mbas shpine?, sepse sapo mbërrita unë në Tiranë, motra e Donjetës publikoi një video ku Armela ofendohej rëndë. Jo vetëm Armela, por edhe familja e saj dhe një komunitet i tërë.

Ndërkohë, lidhja me Armelën u duk se ishte ajo e duhura, pasi munde të kesh në krah vajzën më të bukur të shtëpisë. Ishte dashuri reale ajo që ndodhi mes jush dhe e vërtetë që i keni dhënë fund?

Unë ndihem i privilegjuar që kam pasur Armelën si partnere në shtëpi. Vërtet ishte dhe është më e bukura, por edhe më e zgjuara. Ishte çdo gjë Bio.

Mund të themi se jeni ndarë përfundimisht tani?

Tani? Po, por jemi në kontakt. Kjo erdhi thjesht ngaqë një person i tretë, që qëndroi vetëm dy javë në shtëpi dhe ngaqë do të ketë vëmendje jashtë, shkon i flet keq Armelës për mua. Jo vetëm kjo, por më vjen keq që janë përfshirë si familje në këtë pjesë. ?Peshqit duan ushqim?.

E ke fjalën sërish për Donjetën?

Pse mendon që e ka bërë?

Thjesht nga dëshira për pak vëmendje.

Po për vajzën që u fol se kishe lidhje jashtë, ç?mund të thuash më shumë? Cila është e vërteta?

Vajza jashtë? Jo, unë s?kam pas asnjë lidhje jashtë. Këto thashetheme janë konsumuar tashmë. Unë kam kërkuar falje publikisht që nuk hyra i virgjër në ?BB?.

Pas sherrit me Ervinin, nëse do të përballeshe me të, do ta përqafoje apo do ta injoroje?

Nëse do të përballesha me Ervinin? Më besoni që nuk kam kohë të merrem me Ervinin, pasi kam shumë gjëra më të rëndësishme për të bërë, por do ta përqafoja sigurisht! Unë jam paqësor dhe këtë e kam treguar edhe në shtëpi.

Nga lojtarët që kanë mbetur në shtëpi, cilit do t?ia dëshiroje fitoren dhe për kë mund të thuash se si ka mundësi që vazhdon të qëndrojë ende në atë shtëpi?

Fitoren nuk e di, sepse s?kam parë fare ?Big Brother?. E konsideroj diçka të kaluar për mua. Se kush qëndron ende në shtëpi? Publiku e di shumë mirë se kush ka thyer rregullat bazë dhe nuk kanë marrë atë që meritojnë.

Nga eksperienca me Armelën, sa i hapur je ndaj dashurisë së vërtetë dhe cila mund të jetë një sakrificë për të përfunduar në altar me femrën që dashuron?

Jam shumë i hapur ndaj dashurisë. Sakrificë? Nuk mund të them diçka konkrete, pasi varet nga situata dhe se çfarë dëshiron personi në krah. Por gjëja më rëndësishme është që ta shohësh partneren si një privilegj që e ke në krah dhe jo si pronë, apo shërbëtore. Një femër është gjithmonë një plus në jetën e një mashkulli.

INTERVISTA PLUS

E vërteta për jetën time prej pasaniku dhe miqësia me 70 për qind të personazheve të showbiz-it

Je 26 vjeç, i rritur me femra në shtëpi dhe me një brengë apo mllef për babain, pas divorcit nga nëna. Mendon se kjo eksperiencë e trishtë fëmijërie të ka bërë më të zotin, apo më problematik?

Mënyra si jam rritur unë më ka bërë më të zotin. Më ka bërë të qëndroj me këmbë në tokë, të kuptoj që nuk duhet të harroj nga kam ardhur dhe si jam rritur.

Në skedën prezantuese theksohet jeta jote në Suedi si menaxher. Çfarë vlen për t?u përmendur nga eksperiencat e tua jashtë vendit dhe për në ç?rast ndihesh keq kur e kujton?

Vlen të përmendet që unë di të bëj menaxhim shumë mirë. Kam arritur që një biznes që ishte drejt falimentimit ta bëj një nga hotelet më të mira në Suedi.

Miqësia me VIP-at ka rënë sy të të gjithëve. Je ti që u afrohesh atyre, apo ata ty? A mund të na përmendësh disa emra personazhesh të njohur që i ke vërtet miq të ngushtë?

Miqësia me VIP-at? Hmm? mos harroni janë njerëz si ne dhe ata. Mund të duken si të pakapshëm, por janë aq të thjeshtë si ne. Miku im më i mirë është Vesel Kurtishaj, që e njoh shumë mirë dhe është vërtet një mik që di të jetë me ty në çdo situatë. Pastaj njoh pothuajse 70% të personazheve të showbiz-it.

Për çfarë do të shërbejë fama e ?Big Brother?? Për t?i hyrë politikës, televizionit apo biznesit? Plani që ke për veten, meqë me the s?keni parë gjë akoma?

?BB? mund të më hyjë në punë për shumë gjëra. Mund të reflektoj me veten nga kjo eksperiencë, të arrij të kuptoj që duhet të qëndroj këtu apo të kthehem në Suedi. Momentalisht kam disa oferta dhe po, jam në bisedime. Sigurisht që do të zgjedh më të përshtatshmen për veten dhe për mbështetësit e mi.

Është folur se në Suedi ke bërë jetë pasaniku. E vërtetë?

Jetë pasaniku? (qesh) Seriozisht e keni?! Jetë normale më besoni, po aq dhe i thjeshtë.

Identifikohesh si djali i tatuazheve. Më domethënësit që ke në trup?

Të gjithë tatuazhet e mia janë me kuptim, por ai për familjen time është që dua më shumë, po ashtu tatuazhin në krah me Beratin, apo atë në këmbë, i cili është profili i një kali, që është kafsha ime e preferuar.





Lajmet e fundit nga