web counter
LEXO PA REKLAMA!

SHKARKO APP

App Store
Google Play

 DEKRIMINALIZIMI/  Kandidatët për deputetë ende të pa çertifikuar

2 Maj 2017, 13:15, Aktualitet CNA

Kandidatët e shtatëmbëdhjetë partive politike të regjistruara për të qene  pjesëmarrës në zgjedhjet e pritëshme të 18 qershorit ende nuk e kanë të sigurt hyrjen përfundimtare në garën elektorale. Kjo pasi ende nuk ka përfunduar procesi i verifikimit zyrtarë të formularëve të vetëdeklarimeve që ata kanë dorëzuar në Komisionin Qendror të Zgjedhjeve, nga ana e institucioneve kompetente.

Sikurse kanë bërë të ditur burime zyrtare të KQZ, ndonëse data 05 maj shënon fundin e përfundimit të këtij procesi verifikimi, nga ana e saj, përsëri një numër i madh vetëdeklarimesh presin rradhën.

Pasi më parë i kanë mbushur me dëshirën e tyre formularët, kandidatët i kanë depozituar ato pranë Komisionit Qendror të Zgjedhjeve, sikurse detyron ligji, mirëpo afati i shkurtër kohor dhe mungesa e personelit kanë diktuar mospërfundimin në afat të këtij procesi.

Gjë që do të diktojë edhe shtyrjen e afatit kohor të verifkimit të figurave të kandidatëve nga ana e prokurorisë, insititucion në të cilin kalojnë formularët pas KQZ-së.

Shtyrja e afateve kushtetuese të regjistrimit ka sjellë efektin domino, të cilin KQZ ka vendosur ta zbusë duke e thjeshtuar procedurën e verifikimit.

Kështu, burimet zyrtare të këtij institucioni përgjegjës për administrimin e procesit, i thanë CityNews se në datën 05 maj që është dhe kufiri i fundit i afatit, do të miratohen vetëm emrat e kandidatëve që e kanë përfunduar  verifikimin e imtësisht nga ana e KQZ, kurse për të tjerët procesi do të jetë në vijimësi.

Në rast se do të konstatohen pasaktësi formularët do tu rikthehen për plotësim paraqitësve të tyre, ndërkohë që nëse zbulohen fakte komprementuese të papasqyruara në vetëdeklarime ndaj mbushëve të tyre do të merren masa konform ligjit të dekriminalizimt./ CityNews





Lajmet e fundit nga