web counter
LEXO PA REKLAMA!

SHKARKO APP

App Store
Google Play

Ruçi shtang Kuvendin/Ja si e priti Meta

27 Prill 2017, 14:11, Aktualitet CNA

Parlamenti zhvilloi sot seancën e radhës për zgjedhjen e Presidentit të ri në vend. Edhe kjo seancë ishte pa surpriza, ku ashtu si në dy raundet e para, Parlamenti ka djegur edhe raundin e tretë, pasi nuk ka propozuar ende asnjë emër për President. Megjithë djegien e raundit të tretë, kjo seancë ishte parashikuar të mbyllej pa debat.

Por, asgjë nuk ka shkuar siç ishte parashikuar, pas ka qenë kreu i grupit të PS, Gramoz Ruçi, që ka befasuar me qëndrimin e momenteve të fundit të seancës. Ruçi mori fjalën pas djegies së raundit, duke shpërthyer me akuza të forta ndaj Ilir Metës. Ai e kushtëzoi kryeparlamentarin që nesër të vendosë çfarë do bëhet me Presidentin e ri, ndryshe vendi do të shkojë në zgjedhje të parakohshme. Më tej, ai foli dhe për dështimin e negociatave me ndërkombëtarët, duke thënë se kërkesat e tyre ishin absurde, por që lumturuan Ilir Metën.

Gjithashtu, Ruçi e kritikoi ashpër Metën për qëndrimet e mbajtura në Kuvend, duke thënë se ky Kuvend po shkon drejt dështimit, si dhe për qëndrimet ndaj PD, teksa e etiketoi atë si më pranë opozitës. Këto dhe shumë akuza e kritika të tjera ka bërë Ruçi, teksa ka marrë fjalën papritur, kur të gjithë prisnin të largoheshin nga seanca. Qëndrimi i tij i papritur ka vënë me shpatulla pas murit Metën, i cili u kap tepër ngushtë dhe nuk mundi të thotë as edhe një përgjigje të vetme. Ai njoftoi me shpejtësi dhe me një zë të mekur mbylljen e seancës, duke i bërë bisht përplasjes me justifikimin se kjo seancë ishte parashikuar të mbahej pa debate. Me kaq është mjaftuar kreu i Kuvendit, i cili mbylli seancën, duke pranuar të gjitha kritikat dhe akuzat e Ruçit./CityNews





Lajmet e fundit nga