web counter
LEXO PA REKLAMA!

SHKARKO APP

App Store
Google Play

Deklarata e DASH/Rama ripërsërit pyetjen: Kush gënjen?!

21 Prill 2017, 09:02, Aktualitet CNA

Kryeministri Edi Rama ka reaguar pas deklaratës së fortë të Departamentit Amerikan të Shtetit, i cili iu bëri thirrje të gjitha partive politike të marrin pjesë në zgjedhje.

Në rrjetet sociale, Rama shkruan se pas Shtëpisë së Bardhë edhe DASh kërkon reformën në drejtësi dhe pjesëmarrjen e të gjitha partive në zgjedhje. Më tej, ai ka publikuar njoftimin e DASH.

Ja reagimi:

KUSH GËNJEN (22)
Pas Shtëpisë së Bardhë edhe Departamenti i Shtetit kërkon reformën në drejtësi dhe pjesëmarrjen e të gjitha partive në zgjedhjet parlamentare të 18 qershorit. Ja edhe njoftimi i plotë, publikuar në faqen zyrtare të DASH:
?Ambasadori Thomas A. Shannon, Nënsekretar i Shtetit për Çështjet Politike, u takua sot me Ministrin e Jashtëm shqiptar Ditmir Bushati për të adresuar interesat e përbashkëta në marrëdhëniet tona bilaterale dhe rajonin. Nënsekretari rikonfirmoi partneritetin e ngushtë midis Shteteve të Bashkuara dhe Shqipërisë, mbështetjen tonë të fortë për përpjekjet e Shqipërisë për reformën në drejtësi dhe angazhimin tonë të përbashkët ndaj vlerave demokratike, sundimit të ligjit dhe respektimit të të drejtave të njeriut. Ambasadori Shannon theksoi gjithashtu rëndësinë që të gjitha partitë politike në Shqipëri të marrin pjesë në zgjedhjet e ardhshme parlamentare.?/CityNews





Lajmet e fundit nga