Miliarda dollarë për lobingje/Përse nuk hetohen të ardhurat e partive

20 Prill 2017, 09:22, Aktualitet CNA

Prej më shumë se njëzetë e pesë vitesh partitë politike vijojnë të shpenzojnë shuma maramendëse, duke fshehur burimin e të ardhurave, dhe ende askush nga institucionet kompetente nuk ka marrë mundimin ti hetojë.

Është e vërtetë që deri në vitin 2009 në legjislacionin shqiptar mungonte një ligj specifik detyrues që ato të paraqisnin bilancin e shpenzimeve, por edhe pas këtij viti, kur ky boshllëk është mbushur, sërish, vijon e njejta gjëndje. Pra vijon të ndodhë që ndërsa shpenzimet e vërteta kapin miliarda, bilancet e paraqituar nga partitë rezultojnë milionëshe dhe për më tepër që nuk i justifikojnë burimin e tyre.

Nëse do ti referohemi burimeve të konfirmuara si shkelësja më e madhe e ligjit të transperencës financiare të partive është LSI e kapur në flagrancë, fillimisht në zgjedhjet parlamentare të 23 qershorit 2013, por edhe në deklarimin e financave gjatë vitti 2016.

Denoncuesja e shpenzimeve të LSI në 2013 ishte lëvizja ?Mjaft? e cila dy ditë para mbajtjes së votimeve publikoi se LSI kishte deklaruar si shpenzim shumën prej rreth 25 milion lekë (241 279 $), ndërkohë që, sipas raporteve financiare zyrtare, dilte se shuma e vërtetë e fondeve të shpenzuara nga kjo parti ishte 47 milion milion lekë (afërsisht 449 470 $). Pra me një tejkalim shpenzimesh prej 21.9 milion lekë, Çka do të thoshte se 46 % e shpenzimeve nuk qenë legale, të mbuluar nga fondet e mbledhura apo të vëna në dispozicion të fushatës.

Për të dytën herë LSI u kap në flagrancë për fshehje të shpenzimeve financiare, pak ditë më pare, kur, teksa vetëdeklaroi se ishte nga të parat parti politike që respektoi transparencën e financave, u denoncuar se kishte fshehur shumën prej 267,804 USD paguar kompanisë amerikane të lobimit GSIS, që i kish siguruar liderëve të LSI-së takime të nivelit të lartë në Uashington etj. Mirëpo a është e vetme LSI në këtë sipërmarrje antiligjore?

Sipas rrjetit investigative ballkanik Birn: Megjithëse një vend i vogël, me ekonomi të prapambetur dhe në dukje, pa ndonjë interes ekonomik në SHBA, Shqipëria ka aktualisht gjashtë dosje aktive në zyrën e regjistrimit të agjentëve të huaj në Departamentin e Drejtësisë të SHBA-së, ndërkohë që vende si Britania e Madhe e India kanë nga pesë secila.

PS punësoi një lobist në SHBA më 13 prill, duke e rritur numrin e agjentëve të huaj që përfaqësojnë interesa ?shqiptare?. Ajo do t?i paguajë kompanisë ?Ballard Partners? 20 mijë dollarë në muaj për 12 muaj rradhazi, gjithsej mbi 240 mijë dollarë. Kjo është një shumë e majme dhe dukshëm disproporcionale me buxhetin që PS pretendon se ka në një vit normal. Para PS, qenë PD dhe LSI që paguan shuma të majme për të lobuar në SHBA, vëren Birn, duke ja lenë topin e hetimit institucioneve kompetente shqiptare, që deri më sot kanë heshtur. /CityNEWS