E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Zgjedhja e Presidentit/Prapë PS-LSI shkelin Kushtetutën

19 Prill 2017, 18:10, Aktualitet CNA

Të ndodhur në udhëkryqin më të madh politik të historisë paskomuniste shqiptare Lëvizja Socialiste për Integrim dhe homologia e saj Partia Socialiste nuk po ngurrojnë t?i përdorin kapitujt e ligjit themeltar të shtetit, pra kushtetutën, sikur të jetë pronë partiake dhe jo kolona vertebrale që mban në këmbë shtetin e në shërbim të qytetarëve.

Pasi më parë, nëpërmjet një veprimi antikushtetues, i adresuan letër Komisionit Qendror të Zgjedhjeve, ku i sugjeronin të shtynte datëafatin e regjistrimit të koalicioneve pjesëmarrëse në zgjedhjet e 18 qershorit, po të njejtën vepër kanë konsumuar edhe për zgjedhjen e Presidentit të vendit. Procedura e të cilit ka nisur mbrëmjen e ditës së sotme, ku pas një seance fare të shkurtër, në mungesë të pasjes së një kandidature konkrete, është mbyllur pa asnjë rezultat.

Ndërkohë që sipas Kushtetutës, nëse raundi i parë mbyllet pa prodhuar rezultatin e dëshriruar, ai i dytë duhet të vijojë pas kalimit të një periudhe shtatë ditore, kryetari i LSI-së, njëherësh dhe i Parlamentit, Ilir Meta, ka njoftuar konsumimin e raundit të dytë pa kaluar as njëzetë e katër orë nga mbyllja e procedurës së raundit të parë.

Sipas tij, raundi i dytë do të zhvillohet në seancën plenare të të enjtes paradite dhe jo ashtu siç përcakton Kushtetuta, ndërkohë që si motiv të antikushtetueshmërisë artikuloi lënien kohë opozitës për të ndryshuar mëndjen dhe qendrimin bojkotues.

?Durimin dhe vullnetin për të patur mundësinë për të diskutuar edhe me opozitën, për të zgjedhur Presidentin edhe me opozitën. Kjo mazhorancë i ka numrat, por duam ta bëjmë me opozitën. Raundi i dytë do të jetë nesër dhe kjo pasi ishte një kërkesë e grupit parlamentar të shumicës. Fakti që do të bëhet nesër nuk e përjashton mundësinë për raundet e tjera??, ka artikuluar Meta, duke e shmangur përgjigjen se rruga e zgjedhur, nga LSI-PS për zgjedhjen e Presidentit të ri, cënon të drejtën kushtetuese. / CityNEWS