QEVERIA FSHEH TË DHENAT/ Prokuroria zvarrit hetimin e “check up”-it

17 Prill 2017, 10:31, Aktualitet CNA

Një vit më parë Prokuroria nisi kryesisht hetimin për Partneritetin Publik Privat, procedurën nëpërmjet të cilës, ish ministri i Mjekësisë, Ilir Beqaj, dha të njohurin si ?check-up?, në objektiv të të cilit është kryerja e analizave mjekësore bazike për shtetasit me moshë mbi 40 vjeç.

Në muajin prill 2016, organi i akuzës u ka dërguar fletë-thirje për tu paraqitur dhe dhënë sqarime, në lidhje me tenderat dhe mënyrën e përzgjedhjes së fituesit 6 anëtarë të Komisionit të Ofertave, mes të cilëve ishin zv.ministri i Shëndetësisë Klodian Rrjepaj, në cilesinë e kryetarit të Komisionit, si dhe Arben Gjata, Petro Mersini dhe Genc Byrazeri (djali i dajës së ministrit Beqaj), në cilësinë e anëtarëve.

Megjithse nga nisja e hetimeve deri më sot ka kaluar më shumë se një vit Prokuroria ende nuk ka dhenë një përgjigje, rreth ligjshmërisë së kryerjes së këtij operacioni, nga i cili, sipas raportimeve mediatike, përveç të tjerave, koncesioni i ka mundësuar kompanisë ?fituese? që, pas një investimi në kapital themeltar 30 milionë lekë, brenda 9 muajve, nga fillimi i aktivitetit, ka nxjerrë një fitim neto prej 45 milionë lekë, me një normë kthimi prej 150%.

Përmendëm të dhenat mediatike pasi ato financiare të kontratës koncesionare për shërbimin ?check-up?, sikurse përmend rrjeti investigativ Birn: janë mbajtur gjithmonë të fshehta nga ana e qeverisë. Po më tej?

I dorëzuar me vonesë në QKR , bilanci i kompanisë “3P Life Logistic”, për vitin 2015, zbulon se qeveria merr përsipër të paguajë 475 mijë analiza në vit, pavarësisht se sa është numri real i personave që e marrin këtë shërbim. Fondi i Sigurimeve të Detyrueshme të Kujdesit Shëndetësor vlerësn se ndonëse 917 mijë shqiptarë kanë të drejtë të përfitojnë nga projekti, vetëm 244, 420 vetë e morën këtë shërbim gjatë vitit 2015, ndërkohë që bilanci i kompanisë për periudhën 31 mars-31 dhjetor 2015 tregon se taksapaguesit shqiptarë i kanë paguar asaj 554 milionë lekë; dy herë më shumë nga sa teorikisht do të kushtonin analizat sipas rezultatit të tenderit.

?3P Life Logistic?, kompania e themeluar për mbarëvajtjen e koncesionit 10-vjeçar të ?check up?-it zotërohet në 80 % të aksioneve nga kompania ?Marketing& Distribution? dhe në 20% nga kompania ?Trimed?. ?Marketing& Distribution? është 100% në pronësi të Vilma Nushit, ndërsa ?Trimed? ndahet 50 me 50 mes Nushit dhe Shani Peposhit.

E vendosur shpeshherë në shenjestër për koncesionin, vijon të kumtojë Birn: qeveria është përpjekur ta mbrojë atë me argumentin se kompania private ka kryer investime, që buxheti i shtetit nuk kishte mundësinë t?i bënte. Por bilanci i kompanisë duket se nuk e mbështet një argument të tillë. Kompania ?3P Life Logistic?, e themeluar në dhjetor 2014, me një kapital themeltar prej vetëm 30 milionë lekësh ka deklaruar investime totale në laboratorë shumën prej 337 milionë lekë, ndërkohë që të ardhurat nga taksapaguesit kanë qenë në vlerën e 554 milionë lekëve. /CityNEWS