web counter
LEXO PA REKLAMA!

SHKARKO APP

App Store
Google Play

Në betejën antidrogë hyn edhe Ushtria/ Vëzhgim nga ajri, toka dhe uji

13 Prill 2017, 18:48, Aktualitet CNA

Nëpërmjet një vendimi të marrë qeveria ka vendosur të hedh në betejën antikanabis Forcat e Armatosura, duke i shpallur kështu luftë mercenarizmit që e ushtron trafikun pa iu trembur syri.

Komandanti i Shtabit të Forcave të Armatosura (FA), Gjeneral Brigade Tonin Marku e ka konfirmuar këtë, ndërsa ka shpjeguar për Top Channel se angazhimi i ushtrisë nuk do të thotë që do të kryejnë operacione në terren dhe as nuk do të kryejnë veprime shtesë. Në kuadër të zbatimit të detyrave dhe programeve stërvitore të përditshme, FA do të raportojnë edhe për kanabisin nëse e konstatojnë apo marrin informacione.

Duke shpjeguar mekanizmin gjeneral Marku shpjegoi se në këtë luftë do të angazhohen helikopterët, por edhe anijet, ndërsa shërbimi informativ e ka kryer këtë detyrë edhe më parë.

?Ne nuk do të cënojmë operacionalitetin e Forcës Ajrore. Por gjatë fluturimeve që do të kryejmë për arsye nga më të ndryshmet, në bazë edhe të informacioneve që mund të kemi, ne do të bëjmë monitorimin, fotografimin e zonave të caktuara ku mendohet që mund të ketë kanbis, pasi na e krijojnë këtë mundësi helikopterët që kemi dhe këto filmime do iua dorëzojmë autoriteteve përkatëse për të proceduar më tej. E njëjta gjë do të jetë edhe për Forcën Detare, e cila do të lajmërojë nëse konstaton trafik të lëndëve narkotike nga zonat që ne patrullojmë përgjatë hapësirës detare?, ka thenë gjeneral Marku. Për këtë qëllim janë orientuar pilotët, që të sinjalizojnë për çdo zonë ku dyshojnë apo kanë të dhëna nga strukturat e tjera që mund të jetë mbjellë lëndë narkotike./ CityNEWS





Lajmet e fundit nga