web counter
LEXO PA REKLAMA!

SHKARKO APP

App Store
Google Play

Kapen "mat" drejtori dhe 3 vullnetarët/ Kërkonin para për fondacionin

29 Mars 2017, 10:13, Aktualitet CNA

Drejtori i një fondacioni bamirësie, së bashku me tre vullnetarë janë proceduar penalisht, pasi kanë abuzuar me detyrën e tyre. Përmes strategjisë se do ndihmon familjet në nevojë, shtetasit të moshës 21-42 vjeç, u kërkonin shuma monetare qytetarëve.

Për këtë rast, policia bën me dije se janë proceduar penalisht për ?Shpërdorim detyre? dhe ?Mashtrim? drejtori i një fondacioni bamirësie, së bashku me tre vullnetare të këtij fondacioni.

Një ditë më parë, ata u konstatuan në aksin rrugor Korçë-Pogradec, duke ndaluar mjete të ndryshme dhe duke i`u kërkuar atyre vlera monetare për fondacionin, për t`i ardhur në ndihmë një familje në nevojë  në qytetin e Përmetit. Nga hetimet e kryera rezultoi se ata nuk kishin asnjë autorizim.

Specialistët e Seksionit kundër Korrupsionit në Drejtorinë Vendore të Policisë Korçë, filluan procedimin penal në gjendje të lirë ndaj shtetasve :

A.M, 42 vjeç, banues në Tiranë (drejtor i një fondacioni, nenet 248 dhe 143/2)

A.R, 22 vjeçe, banuese në Përmet,

A.V, 21 vjeçe, banuese në Tepelenë,

J.K, 25 vjeçe, banuese në Tiranë (të treja shtetaset vullnetare, neni 143/2)

Procedimi ndaj tyre filloi pasi, shtetasi A.M, me detyrë Drejtor i një fondacioni si edhe tre shtetaset e tjera me detyrë vullnetare të këtij fondacioni, më datë 28.03.2017 u konstatuan në aksin rrugor Korçë-Pogradec duke ndaluar mjete të ndryshme dhe duke i`u kërkuar atyre vlera monetare për fondacionin, për t`i ardhur në ndihmë një familje në nevojë  në qytetin e Përmetit.

Nga hetimet dhe verifikimet e kryera rezultoi se shtetasit e mësipërm nuk posedonin  asnjë urdhër të shkruar apo autorizim, për të kryer këtë veprim.

Gjithashtu shumat monetare të grumbulluara nuk arkëtoheshin sipas ligjit, me bllok tatimor nga ana e fondacionit si edhe tre shtetaset A.R, A.V dhe J.K (vullnetare) nuk rezultojne të siguruara.

Materialet i kaluan Prokurorisë e Rrethit  Gjyqësor Korçë për veprat penale : ?Shpërdorim detyre? dhe ?Mashtrimi?. /CityNews 





Lajmet e fundit nga