web counter
LEXO PA REKLAMA!

SHKARKO APP

App Store
Google Play

E fundit!

x

Qytetari i Panjohur?!

19 Mars 2017, 21:08, Blog CNA

Nga Hasan Metuku

A është qytetari Shqiptar: 1. Njeriu i Ri liberal? 2. Njeriu i Ri Socialist Utopik? 3. Njeriu i Ri Komunist? 4. Njeriu Transhuman (njeriu që tranformon qënien shoqërore nëpërmjet teknologjisë)?! Me cilin nga këta qytetarë do ndërtohet Republika e Re e drejtuar nga z.Basha?!

Nga përmbajtja e fjalimeve të tij dhe aksionit politik, lideri i opozitës ka kërkuar “drejtësi politike” që do të thotë ai ka kërkuar funksionimin e parimeve të Moralit dhe të Vërtetës në jetën e qytetarëve shqiptarë dhe për këtë, puna më e madhe është dhe mbetet jetësimi i këtyre parimeve shoqërore në qeverisje të ligjshme dhe të moralshme. Z. Basha ka kritikuar institucionet politike, anarkinë e krijuar nga qeverisja e Ramës që mbështetet mbi monopole, lidhje kriminale, korrupsion shtetëror dhe ka kufizuar ndjeshëm progresin e Shqipërisë dhe qytetarëve të saj.

Z. Basha ka artikuluar dhe faktuar se Qeveria e Ramës ka ndërhyrë në zgjedhjet personale të qytetarëve duke diktuar frymën e saj në aktivitetet private të biznesit, ka tkurrur lirinë e tregut dhe shkaktuar panik nëpërmjet presionit abuziv të strukturave shtetërore. Ndërkohë, z.Basha ka propozuar që në nisjen e Republikës së Re, një shoqëri ku qytetarët e përcaktojnë me vullnetin e lirë kursin e tyre të Lirisë ekonomike dhe tregut. Asnjë provë në botë deri më sot , e aq më tepër në Shqiperi, nuk ka dëshmuar se Qeveria mund rregullojë në mënyrë të dobishme përmes diktatit shtetëror mbi tregun dhe ekonominë!

Nëse situata në Shqiperi do të ishte ajo e një vendi normal, kjo pjesë e diskutimit politik të z.Basha do të bëhej në parlament dhe institucionet shtetërore dhe do quhej një diskurs për përmirësimin e jetës që qytetarëve duke ofruar marrjen e përgjegjësive nga opozita për të drejtuar vendin si alternativë ndaj një qeverie që ka dështuar të mbajë premtimet e programit politik për të cilët populli e votoj katër vite më parë.

Por, situata është krejt ndryshe, dhe diskursi politik i liderit të opozitës nuk është thjesht dhënia e alternativave paraelektorale për përmirësimin e situatës ekonomike dhe politike në vend por ajo ka të bëjë me shpëtimin e vendit nga diktati i qeverisë mbi votën e lirë të qytetarëve! Vendosmërisht, lideri i opozitës po gërmon në themelet e një Republike të kalbur ku qëndrojnë krimet e komunizmit, parullat e socializmit utopik, dhe beteja me ta nuk është vetëm e tija personale por, ajo është një betejë në emër të brezave që u sakrifikuan dhe brezave që do vijnë, të njerëzve lirë! Shkërmoqja nga themelet e Republikës së kalbur kërkon bashkimin rreth z.Basha të gjithë kontributeve të njerëzve liberalë, të rinjëve, dhe të gjithë atyre që nuk kanë lyer duart me ngjyrën e zezë të korrupsionit apo me gjakun e mëkatit!

Aleanca që përmenda më sipër mund të sjellë numrat e duhur dhe ndërtojë vullnetin për shembjen e Republikës së kalbur dhe qeverisur nesër vendin, por ajo kurrsesi nuk mund të formëzojë shumicën popullore për të ndërtuar Republikën e Re, e cila në themelet e saj duhet të përfshijë Qytetarin e Panjohur dhe të Harruar, sepse është ky qytetar ai që përbën shumicën dërrmuese dhe mbart vullnetin dhe moralin e duhur për të jetësuar vizionin për Republikën e Re të z.Basha!

Revolucionet, përveç numrave kërkojnë domosdoshmëtisht lëvizje shoqërore , morale dhe politike të qytetarëve, por qytetari socialist utopik, komunist apo neokomunist nuk natyralizohet dhe shkrihet në moralin dhe vlerat e një revolucioni të qytetarëve liberalë dhe për këtë, më shumë se për fjalimet e figurave kontradiktore që i afrohen liderit të opozitës, revolucioni ka nevojë të pasqyrojë në themel Qytetarin e Panjohur dhe të Harruar dhe të shtrihet më thellë tek Rinia (Millenials)!

Pasi janë ëndërrat dhe kontributi i këtyre të fundit që i shërben brezave të ardhshëm në ndërtimin e një Republike të Re dhe moderne! Çadra e Lirisë përbën sot qendrën e gravitetit të revolucionit historik ndaj dhe çdo mbështetje ndaj fillimeve të tij është po aq historike! Këto hohë do tregojnë se ç’lloj qytetari është qytetari shqiptar, ç’lloj qytetarësh jemi Ne!!





Lajmet e fundit nga