E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nuk negociojmë nga frika e nuk kemi frikë të negociojmë

15 Mars 2017, 12:51, Aktualitet CNA

Kontributin politik dhe peshën e Eduarti në Lezhë dhe jo vetëm janë munduar ta minimizojmë dhe ndonjëherë janë përpjekur edhe ta shpërfillin. Kjo ndoshta ka ndodhur për faktin, se Eduarti në 2013 kishte vetëm dëshirën e tij të mirë për të kontribuar për rotacion e pushtetit në Shqipëri dhe nuk kishte egon personale për tu bërë vetë deputet. Në këto kushte të mirëpranuar nga vetë ai, kontributi i tij i jashtëzakonshëm u minimizua dhe u kamuflua nga të tjetët që ishin në renditje para tij dhe që nuk kishin as peshën minimale elektorale.

Megjithatë, në këto vite, nga 2013 e deri më sot, kemi investuar e punuar shumë duke bërë një diferencë të madhe mes Eduarti dhe të tjerëve në Qarkun e Lezhës. Kjo tashmë duket qartë se kush është Eduart Ndocaj, sa peshë ka ai dhe çfarë popullariteti ka.
Eduart për shkak të natyrës së tij, por edhe për shkak të angazhimeve e ka konsideruar mandatin e deputetit një mision të vërtetë dhe janë të shumta rastet e prezencës së tij në territor, të kontributit të tij humanitar për çështje të shumta e po ashtu edhe çështjes të natyrës sociale që ai ka prekur ka krijuar një standard të ri në politikën kombëtar dhe jo më në Qarkun Lezhë.

Në gjithë qarkun Lezhë vetëm për një deputet flitet e ky është Eduart Ndocaj. Mijëra qytetarë i shkruaj çdo ditë për shqetësime dhe problematika të ndryshme e kjo tregon nivelin e besueshmërisë që ata kanë tek Eduarti dhe po ashtu edhe tek fakti se ai ka dëshmuar gatishmëri, vullnet, humanizëm e impenjim duke i ndihmuar për shëndetin, për t?i mbrojtur nga abuzimi me pushtetin dhe për tu ofruar shërbime që kishin vite që nuk i kishin pasur.

Politika e ka ditur realisht peshën e vërtetë politike e njerëzore të Eduartit, po janë përpjekur ta fshehin dhe ta eliminojnë me pabesi politike e me hipokrizi. Në të gjithë Shqipërinë emrit Eduarti shihet si shpresë, si modeli i deputetit popullor që qëndron pranë njerëzve të thjeshtë, të pambrojtur dhe pranë vlerave tradicionale e familjare të shoqërisë.

Eduart Ndocaj ka lidhje të forta me gjithë territorin e Qarkut Lezhë, për shkak të lidhjeve të gjakut, rolit historik të familjes së tij e mbi të gjitha për shkak të raporteve njerëzore që ka ndërtuar në gjithë këto vite. Po jo vetëm kaq, Eduarti ka një peshë të fortë politike e njerëzore në gjithë Veriun të cilët e shikojnë dhe e respektojnë si shpresë dhe si modelin e politikanit të thjeshtë që interesohet për problemet e tyre.

Eduartin janë munduar në gjithë këto kohë ta mënjanojnë nga politika, sepse ai ishte një model ndryshe nga shumica, nuk bënte pjesë në skemat e tyre të abuzimit me pushtetin dhe me sovranin. Megjithatë, në këto vite kemi vazhduar ne rrugën tonë duke e bërë dhe e marr politikën si mision dhe jo si profesion për të mbijetuar.

Në gjithë rrugëtimin tonë tashmë thuajse tre vjeçar kemi hasur të njëjtin problem, padrejtësinë sociale. Pra, kemi takuar njerëz të varfër të diskriminuar, njerëz të varfër të braktisur, njerëz të zotë, por të përjashtuar padrejtësisht nga politika. Prandaj, mendojmë dhe besojmë se sfida jonë në rrugën timin tonë politikë do të jetë ?Drejtësia Sociale?, si moto demokristiane dhe po ashtu si mision social. Demokracia dhe drejtësia sociale plotësojnë njëra-tjetrën.

Megjithatë, këto bashkohen vetëm nëse ne dhe qytetarët që na mbështesin vendosim edhe dashurinë shpirtërore si elementë garancie për të drejtat dhe liritë tona. Pa drejtësi sociale nuk ka shanse të barabarta e pa shanse të barabarta sigurisht nuk ka dhe nuk mund të ketë demokraci të qëndrueshme.

Një pjesë e mirë e politikës na ka nënvlerësuar dhe ashtu siç kam thënë edhe herë të tjerë mirë kanë bërë se ka shërbyer në interesin tonë, në vazhdimin e projekteve tona politike larg zhurmës e skemave të salloneve të politikës.

Ne, shpejt do të jemi të gatshëm në gjithë Veriun dhe jo vetëm, të sfidojmë edhe subjektet e vjetra politike, por qëllimi jonë nuk është sfida, por bashkëpunimi në shërbim të demokracisë dhe stabilitetit politik.

Ne nuk negociojmë nga frikë me askënd, por nuk kemi as frikë të negociojmë. Në çdo ditë jemi përgatitur për të qenë më të fortë në terrenin politik dhe për të krijuar identitetin tonë politik origjinal, të veçantë, me elementë qytetarë dhe në shërbim të qytetarëve.

Disa e kanë dyshuar këtë gjë dhe mirë kanë bërë, sepse na kanë lënë të qetë në rrugëtimin tonë, por shpejt do të dëshmojmë se politikën ne e kemi konsideruar gjithmonë një aktivitet social dhe institucional mjaft serioz dhe mbi të gjithë në shërbimin të qytetarëve dhe të drejtësisë sociale. Kjo është e do të jetë motoja jonë. Ne do të jemi pro të varfërve, të pambrojturve, të ndershmëve dhe të atyre që do ditë padrejtësisht luftojnë për një jetë dinjitoze./Nga Alban Daci