web counter
LEXO PA REKLAMA!

SHKARKO APP

App Store
Google Play

E fundit!

x

“Bomba” e Ivanov kundër Ramës/Letër ndërkombëtarëve: Rrezikon sovranitetin!

7 Mars 2017, 13:29, Aktualitet CNA

Presidenti i Maqedonisë, Gjorge Ivanov, iu është drejtuar me një letër autoriteteve ndërkombëtare, ku shpreh shqetësimin për platformën shqiptare. Ivanov shkruan se platforma shqiptare rrezikon sovranitetin e Maqedonisë. Ai ia drejton letrën kreut të Këshillit Evropian, Donald Tusk, Sekretarit të Përgjithshëm të NATO-s, presidentit të SHBA-së, Donald Trump, dhe atij të Turqisë, Rexhep Taip Erdogan, për t?i njohur me gjendjen politike aktuale në Maqedoni.

?Republika e Maqedonisë tanimë dy vjet e gjysmë po kalon nëpër një krizë të thellë politike. Me lehtësimin e BE-së dhe SHBA-ve u arrit Marrëveshja e Përzhinës si parakusht për organizimin e zgjedhjeve e parakohshme parlamentare të lira dhe demokratike dhe formimi i qeverisë së RM-së që do të fokusohej në reformat prioritare. Më 11 dhjetor 2016 u mbajtën zgjedhjet e lira dhe demokratike, të cilat u përshëndetën nga të gjitha palët. Por në vend të daljes nga kriza dhe fokusimit në përmbushjen e reformave prioritare, ne sërish u gjendëm në një krizë të thellë politike. Pas zgjedhjeve, tre nga katër partitë politike shqiptare në Republikën e Maqedonisë në mbështetjen e kryeministrit të Shqipërisë, Edi Rama dhe ministrit të tij për punë të jashtme në Tiranë krijuan platformën për shqiptarët e Republikës së Maqedonisë?, thuhet mes tjerash në letrën e Ivanovit.

Në të theksohet gjithashtu se platforma shqiptare u shndërrua në kusht për formimin e qeverisë së Republikës së Maqedonisë.

?Platforma është dokument pas-zgjedhor i miratuar në një shtet të huaj në kabinet të një burrështetasi të huaj dhe me ndërmjetësim të kryeministrit të një shteti të huaj. Me këtë platformë rrezikohet sovraniteti dhe pavarësia e shtetit, duke e vendosur Republikën e Maqedonisë në pozitë të nënshtrimit dhe varësisë nga një shtet tjetër. Realizimi i platformës nënkupton ndryshime në Kushtetutën e Republikës së Maqedonisë me të cilat do të rrezikohej karakteri unitar i shtetit. Platforma e cenon Marrëveshjen kornizë të Ohrit, që i rregullon marrëdhëniet e bashkësive etnike me shtetin Republika e Maqedonisë dhe marrëdhëniet e tyre të ndërsjella. Në kundërshtim me Marrëveshjen kornizë të Ohrit, platforma është diskriminuese ndaj bashkësive tjera etnike, sepse i jep prioritet vetëm një bashkësie etnike. Kjo platformë nga Tirana në mënyrë plotësuese e destabilizon gjendjen e brendshme politike dhe i rrit tensionet ndëretnike në Republikën e Maqedonisë?, thuhet në letër./CityNews





Lajmet e fundit nga