web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi- Dorëzuan shenjat e gishtave/ Flasin deputetët

22 Shkurt 2017, 16:07, Aktualitet CNA

Katër deputetë të parlamentit shqiptar kanë dorëzuar shenjat e gishtave në kuadër të ligjit të dekriminalzimit.

Ata janë deputeti i Partisë Socialiste, Artan Gaci, ai i PDIU, Omer Mamo, dhe Mhill Fufi i përjashtuar prej muajsh nga Partia Demokratike, të cilët janë paraqitur pranë Institutit të Policisë Shkencore për të lënë shenjat e gishtërinjve dhe profilet e tyre fotografike.

Duke folur për News 24, deputeti Fufi tha se e votoi dhe po e zbaton ligjin e dekriminalizimit.

?Po. Vajta dhe i dhashë shenjat e gishtërinjve të martën në orën 19:00. Jam mes deputetëve që e kanë votuar ligjin e Dekriminalizimit dhe po e zbatoj atë. Dua të garantoj se nuk kam asnjë rekord kriminal as në Shqipëri, e as në ndonjë vend të huaj. Jam i hapur për hetime?, tha Fufi.

Nga ana tjetër, deputeti socialist Artan Gaci, u shpreh se iu përgjigj kërkesës së Prokurorisë dhe kërkon përgjigje urgjente.

?Iu përgjigja i pari dhe brenda një ore kërkesës së Prokurorisë. Pres përgjigje urgjente. Hajdutët dhe kriminelët nuk më njollosin dot?, tha Gace, duke shtuar se ?pasi të flasë Prokuroria do të shprehem unë?, tha ai

Deputeti i PDIU, Omer Mamo, nuk pranoi të jepte shpjegime, ndërsa deputeti Aqif Rakipi tha se do ta respektojë organin e akuzës.

?Shenjat e gishtërinjve i kanë. Megjithatë, unë do të paraqitem sipas kërkesës së Prokurorisë. Për gjithçka tjetër mund të them që është shoë mediatik?, tha Rakipi.

Kërkesa e organit qendror të akuzës për regjistrimin e shenjave të gishtave të deputetëve u krye për shkak të dyshimeve të prokurorisë për fshehjen e krimeve brenda dhe jashtë vendit.





Lajmet e fundit nga