E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Basha premton siguri në Durrës/ “Bodigardi” godet qytetarin, “mollë sherri” Bylykbashi

11 Shkurt 2017, 19:54, Aktualitet CNA

Kreu i Partisë Demokratike, Lulzim Basha, zhvilloi sot një takim me anëtarë të forumit rinor në qytetin e Durrësit. Basha shoqërohej në këtë takim edhe nga kreu i emëruar i PD së Durrësit, Oerd Bylykbashi. Pas takimit, Basha she Bylykbashi kanë bërë shëtitje nëpër qytet, duke ndarë ftesa për protestën e 18 shkurtit, nga ku do të rrëzojnë edhe qeverinë dhe do të marrin në dorë fatet e popullit, shkruan gazeta ?Bulevard?. Po sipas kësaj gazete, Bashën e ka shoqëruar një incident jo i këndshëm, teka ka qenë duke shpërndarë ftesat në bulevardin kryesor të Durrësit.

Një qytetar, që ka qenë duke u kthyer nga tregu, ndërsa ka dëgjuar Bashën duke bërë thirrje për të marrë pushtetin, ka ndërhyrë duke i kujtuar se pushteti nuk merret me Oerd Bylykbashin. Ndërkaq, ndërsa Basha ka qenë duke folur për më shumë siguri për jetën e qytetarëve, ?bodigardi? ka goditur në kaviljen e këmbës qytetarin që kishte folur. Qytetari në fjalë, i quajtur Petrit Ballshi, është në një konflikt me njerëzit e Bylykbashit për shkak se duan t?i marrin shtëpinë dhe vazhdon një odise të gjatë gjyqesh, që kur Bylykbashi punonte në kryeministri dhe ishte me mjaft ndikim në gjykatë. petriti-167x300

Prania e Bylykbashit për qytetarin ka qenë irrituese duke e kthyer atë në salla gjyqi ku po lufton me drejtësinë për të mbajtur pronat e veta. Vetëm pak muaj më parë , i njëti qytetar që njihet si një ish-mbështetës i zjarrtë i PD, që nga themelimi i saj, ka djegur teserat e PD në shenjë revolte për emërimin e Oerd Bylykbashit në krye të PD. Gjithsesi, raporton më tej gazeta, ajo që ka bërë përshtypje ka qenë reagimi i ashpër i shoqëruesve të Bashës, që e kanë goditur, ndërsa ky i fundit deklaronte se do ta bënin jetën e qytetarëve më të sigurtës apo te vijne në pushtet. I kontaktuar fizikisht nga gazeta Bulevard, Ballshi e ka pranuar incidentin dhe ka thënë se është goditur dhe se i duhet t?i nënshtrohet vizitave të specializuara te mjeku, pasi këmba i ka marrë hematoma dhe enjtje në nyjën e këmbës. Ai ka deklaruar se do të bëjë kallëzim lidhur me ngjarjen në fjalë./CityNews