web counter
LEXO PA REKLAMA!

SHKARKO APP

App Store
Google Play

E fundit!

x

Video- Snajper, avion dhe 5 skafe për kapjen e gomones me drogë/ Shqiptarët i shpëtojnë policisë

4 Shkurt 2017, 18:56, Aktualitet CNA

Një operacion anti-drogë është zhvilluar sot në ujërat shqiptare. Operacioni është kryer nga policia greke, italiane dhe ajo shqiptare në tentativë për të kapur një skaf me drogë.

Mësohet se policia ka sekuestruar rreth 200kg marijuanë, por nuk ka mundur të kapë 3 skafistët, të cilët dyshohen se janë shqiptare, pasi arritën të dalin në breg dhe të largoheshin.

Mediat e huaja bëjnë me dije se policia italiane ka njoftuar policinë greke se një avion i FRONTEX, ka pikasur një gomone, e cila pasi ka venë re se po ndiqej, ka ndryshuar kurs duke u drejtuar për në ujërat shqiptare, duke kaluar në ishullin Othonos në Greqi.

Në det kanë dalë 5 skafe të policisë greke duke u koordinuar me një skuadër snajperash specialë të policisë kufitare greke dhe me koordinimin gjithashtu të avionit të FRONTEX.

Sot, rreth pasdites është arritur të pikaset sërish gomonia, drejtuesit e së cilës nisën të hedhin në det pako të dyshimta.

Policia greke ka marrë leje nga autoritetet shqiptare dhe skafet e policisë greke kanë hyrë në ujërat shqiptare duke ndjekur gomonen. Në ndihmë kanë ardhur skafet e policisë italiane dhe asaj shqiptare.

Gomonia ka arritur të futet në brigjet shqiptare dhe 3 drejtuesit e saj kanë dalë në tokë duke ikur në drejtim të paditur. Deri më tani janë gjetur dhe sekuestruar në det 110 pako nga policia greke dhe 12 pako nga ajo italiane, të cilat mendohet të jenë rreth 2 ton marijuanë.





Lajmet e fundit nga