web counter
LEXO PA REKLAMA!

SHKARKO APP

App Store
Google Play

E fundit!

x

Videoskandali/ Reagon gjyqtarja e Elbasanit: Ja e vërteta

3 Shkurt 2017, 14:42, Aktualitet CNA

“Unë Pajtime Fetahu, Gjyqtare pranë Gjykatës së Rrethit Gjyqësor Elbasan, që prej vitit 1993, ndjej si detyrë qytetare dhe profesionale, të sqaroj opinionin publik, lidhur me spekulimet e bëra nga emisioni ?Stop?, ?Të blesh (pa)drejtesinë me euro??!? të datës 31.01.2017.

Ky emision investigativ, aludon pa asnjë provë dhe asnjë fakt, se unë jam përfshirë në një aferë korruptive, duke favorizuar një të pandehur kundejt shumës 2000 Euro. Ndjehem shumë e indinjuar dhe njëkohësisht e prekur, që figura ime të përfshihet në këto diskutime që jo vetëm nuk i përkasin personit tim, por i përbuz dhe dënohen me forcë nga unë.

Është fakt se vendimi penal, i cili u përmend në emision, është dhënë nga unë Gjyqtare Pajtime Fetahu dhe përsa i përket gjykimit dhe arsyetimit ligjor të tij, jam gati t?i nënshtrohem hetimit dhe të sqaroj çdo detaj të cështjes. I pandehuri në atë gjykim, është dënuar përfundimisht me 16 muaj burgim, kundrejt 18 muaj burgim qe kërkoi prokuroria. Praktika gjyqësore për raste të ngjashme, tregon se ka dënime shumë më të ulta, raste të cilat janë lehtësisht të verifikueshme nga cdo qytetar. Për asnjërën nga veprat penale për të cilat ky shtetas është deklaruar fajtor, nuk ka marrë dënim në minimumin e parashikuar nga ligji.

Në mënyre abuzive eshte aluduar se i pandehuri është dënuar vetëm 5 muaj e 10 dite burgim dhe se është liruar nga gjykata. E vërteta është krejt ndryshe. I pandehuri është dënuar 16 muaj burgim dhe është liruar nga Instituti i Ekzekutimit të Vendimeve Penale, pasi ka përfunduar vuajtjen e dënimit dhe nuk është liruar nga gjykata.

Në vendimin penal, kam arsyetuar hollësisht dhe kam argumentuar individualizimin e dënimit, arsyet dhe shkaqet që më çuan në këtë vendimmarrje, duke pasur gjithnjë referencë Ligjin Penal e atë Procedural Penal. Në rastin konkret kam dhënë drejtësi. Kam ndëshkuar autorin dhe kam vlerësuar drejt rrethanat lehtësuese, ku ndër të tjera dua të përmend për ju vetëm faktin që i pandehuri kishte një fëmijë te mitur autik, me nevoja te domosdoshme per përkujdesje. Me ç?të drejtë cilësohem me epitete kaq fyese e denigruese, kur gjithë jetën time ia kam kushtuar drejtësisë dhe kam punuar me përkushtim, ndershmëri dhe devotshmëri!!!

Lidhur me shprehjen e përdorur nga ana ime ?predispozicioni pozitiv?, arma e vetme që përdori ky emision kunder figurës sime, dua të sqaroj se: për shkak të infrastukurës së Gjykatës së Rrethit Gjyqësor Elbasan, informacionin palët dhe familjarët e tyre e marrin në zyrën e çdo gjyqtari. Duke qenë se çështja kishte zgjatur në hetim dhe ishte shtyre disa here per shkak te mungeses se prokurores, kam përdorur këtë shprehje për të thënë se çështja nuk do të zvarritej më, por do të përfundonte brenda afateve ligjore, shkak për të cilin kam përdorur dhe shprehjen ?me predispozicionin per te perfunduar gjykimin?. Detyra jonë është të mos e vonojmë dhënien e drejtësisë dhe të mos i zvarritim gjykimet. Pikërisht për këtë arsye kam përdorur shpehjen ?predispozicion pozitiv?.

Nga pamjet e dhëna shihet qartë se nuk kam bërë asnjë bisede me askënd dhe nuk i kam kërkuar askujt të holla apo ?lejla?. Nuk kam kryer asnjë veprim dhe nuk i kam marrë askujt të holla siç aludohet. Lereni drejtësinë të bëjë punën e saj, jam e hapur të përballem me drejtësinë për të dalë në pah e vërteta.

Nga ana tjetër, dua të shtoj se në videon e transmetuar në asnjë rast nuk përmendet emri im, i prokurores, të pandehurit apo rrethana e detaje te çeshtjes, ç?ka më bën mua të mendoj se këto filmime nuk i përkasin fare çështjes që unë kam gjykuar, çështje e cila është gjykuar me një gjyqtar dhe me jo me tre gjyqtarë si përmendet ne regjistrime dhe komentohet nga gazetarët.

Pavarësisht qetësisë time profesionale, jeta ime familjare këto ditë është tronditur thellë. Brënda 30 minutave të këtij programi, ndjeva se po mundoheshin të shembnin te gjithë mundin tim profesional prej 25 vjetësh. Shumë baltë u hodh mbi mua padrejtësisht dhe ndjehem më e lënduar se kurrë.

Uroj dhe shpresoj që kjo përndjekje e padrejtë ndaj personit tim dhe të gjithë personave të ndershëm të ndalë këtu.”/Infoelbasani.al





Lajmet e fundit nga