web counter
LEXO PA REKLAMA!

SHKARKO APP

App Store
Google Play

Goditet trafiku ndërkombëtar i drogës/ Procedohet një person, në kërkim dy të tjerë

30 Janar 2017, 20:14, Aktualitet CNA

Policia Kufitare ne bashkëpunim me Seksionin Kundër Narkotikëve kanë parandaluar dhe goditur tentativën për të trafikuar lëndë narkotike drejt Italisë.

Burime nga policia bëjnë me dije se janë sekuestruar 450  kg Cannabis Sattiva.

Të njëjtat burime theksuan se filloi procedimi penal më gjendje të lirë në ngarkim të shtetasit Sh. J. 61 vjeç,  banues në Tiranë,  drejtuesi I mjetit.

Gjithashtu u shpallën në kërkim dhe po punohet për kapjen e shtetasve A.R. 24 vjeç, banues në Tiranë dhe E.S. 28 vjeç, banues në Tiranë.

Ngjarja

Më datë 29.01.2017, gjatë kontrollit të ushtruar në Pikën e Kalimit Kufitar Durrës, në mjetin tip Scania me targë përpara AA 822 OS dhe targë mbrapa ADT 801, me drejtues shtetasin Sh.J. ,  pas dyshimeve nga Specialistët se në brendësi të tij kishte lëndë narkotike, për verifikim më të hollësishëm u kontrollua në Skaner.

Në përfundim u konkludua  një sasi lënde narkotike e dyshuar e llojit Cannabis Sattiva.

Kamioni ishte I ngarkuar me arka plastike, bosh dhe lënda narkotike ishte e futur në të gjitha këmbët e arkave, ku pas peshimit  rezultoi në total një sasi rreth 450 kg lëndë narkotike e dyshuar e llojit Cannabis Sattiva.

Lënda narkotike u sekuestrua në cilësinë e provës materiale.

Specialistët dhe grupi hetimor vijojnë punën për kapjen e personave të tjerë të implikuar në këtë rrjet kriminal.

Materialet I kaluan Prokurorisë pranë Krimeve të Rënda Tiranë për veprime të mëtejshme për veprën penale “Trafikimi I lëndëve narkotike” në bashkëpunim, e mbetur në tentativë.

 





Lajmet e fundit nga