web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Medias/ Më shumë debat për sportin se median, arsimin dhe kulturën

13 Janar 2017, 15:12, Aktualitet CNA

Komisioni i Medias në Kuvend, i njohur si ?Komisioni për Edukimin dhe Mjetet e Informimit Publik? është një nga dy komisionet parlamentare që drejtohet nga opozita. Sipas raportit monitorues të Institutit të Studimeve Politike, gjatë sesionit parlamentar shtator-dhjetor 2016 ka zhvilluar 9 mbledhje, me 67 diskutime deputetësh, megjithatë, një e treta e deputetëve të komisionit nuk kanë folur asnjëherë. Ky komision ka në përbërjen e tij disa tre ish ministra (Ulqini, Pollo, Tafaj), disa botues e biznesmenë edhe në fushën e medias e arsimit, të paktën një sportist dhe disa figura të njohura publike e mediatike. Kjo përbërje krijon pritshmërinë e cilësisë së lartë në debate dhe axhendë, ? gjë që nuk gjen përputhje të plotë me rezultatet konkrete të konstatuara në monitorim.

Gjatë sesionit të vjeshtës temë kryesore e debatit publik kanë qenë çështjet e arsimit (regjistrimi në universitete) dhe çështjet e medias (disa incidente në media dhe raportet kritike për lirinë e medias në vend). Këto tema kanë zënë vend pjesërisht në komision, sidomos çështja e arsimit, por dominuese dhe më me interes për deputetët kanë qenë debatet lidhur me sportin, investimet shtetërore mbi to, federatat sportive etj. Kultura dhe problematikat mbi të zënë rol minor. Në Komision kanë qenë të pranishëm ministrja e Arsimit dhe Kulturës, dhe një numër zyrtarësh të lartë të MAS, siç edhe drejtues të institucioneve të sporteve, kulturës dhe të medias publike, kryesisht në debate që lidhen me çështjet e buxhetit dhe dokumenteve të tyre të brendshme rregullatore.

Në të dhënat teknike rezulton se tre deputetë, kryetari Pollo, zv/kryetari Peza dhe deputeti Hoxha kanë rekord pjesëmarrjeje dhe diskutimesh në mbledhjet përkatëse të komisionit. Në deputetët e tjerë diskutues më aktivët rezultojnë Toçi, Tafaj, Boçi dhe Rista, ? deputeti Ylli është debatues në çështjet e sportit, Hafizi në të arsimit, etj. Dy deputetë (Bzheta PD dhe Shkreli PS) nuk kanë marrë pjesë në asnjë prej mbledhjeve të Komisionit dhe natyrisht nuk kanë diskutime, kurse dy deputetë tre tjerë (Mehmetaj, Kamberi e Çela) kanë pjesëmarrje minimale dhe nuk kanë diskutuar asnjëherë.

Një nga treguesit pozitiv të këtij komisioni është tematika e gjerë e debatit dhe sidomos seancat e gjata të debatit me grupet e interesit (sidomos në fushën e sportit), kurse një nga treguesit kritikë të këtij Komisioni është axhenda pasive, ? ecja sipas kalendarit të ligjeve pa nisma për seanca dëgjimore dhe trajtime të thelluara të problematikave, si dhe natyra partiake e diskutimit në rastin e temave të nxehta me interes publik. Disa përpjekje për seanca dëgjimore në raste të skandaleve që lidhen me cenimin e lirisë së medias rezultuan të pasuksesshme për shkak të mungesës së shumicës prezente dhe krijuan përshtypjen se interesat politike kanë shumë më tepër vlerë për Komisionin sesa interesat publike./ISP





Lajmet e fundit nga