Italia ngre alarmin/ Flamuri i ISIS valëvitet në fshatrat shqiptare

7 Janar 2017, 13:52, Aktualitet CNA

Mediat italiane kanë ngritur sot alarmin e radikalizimit të disa fshatarave shqiptare. Sipas tyre, në disa zona të Shqipërisë, kryesisht në kufi me Kosovën, prej kohësh valvitet flamuri i ISIS.

Në artikujt e publikuara sot thuhet se Italia është e rrezikuar nga radikalizmi në Shqipëri.

Alarmi për terrorizmin në Itali vjen nga përtej Adriatikut, nga Shqipëria. Kjo për shkak të vendndodhjes gjeografike dhe kryesisht për shkak të pranisë së personave të radikalizuar dhe grupet ndërkombëtare të trafikut ndërkombëtar të lëndëve narkotike

Më tej, theksohet se që nga lindja e shtetit islamik një numër i madh luftëtarësh është nisur nga Shqipëria. Aty përmendet Lmir Daci si një nga shqiptarët më të rrezikshëm që ka radikalizuar edhe persona të tjerë.

Djemtë nga Leshnica, Zagorçan dhe Rëmenji duket se po shkaktojnë frikë dhe drithërimë në Europë

Më poshtë, shkrimi

?Alarmi vjen nga Shqipëria. Shërbimet tona të Inteligjencës sikurse edhe ato të vendeve perëndimore kanë dhënë alarmin e radikalizimeve në disa prej fshatrave, kryesisht në kufi me Kosovën, ku prej kohësh valëvitet flamuri i zi i shtetit islamik ISIS. Dhe rastet e radikalizimit po shtohen duke u shndërruar në një fuçi baruti. Dhe në këtë rast Italia është një vend i rrezikuar dhe në veçanti Pulia. Kjo për shkak të vendndodhjes gjeografike dhe kryesisht për shkak të pranisë së personave të radikalizuar dhe grupet ndërkombëtare të trafikut ndërkombëtar të lëndëve narkotike. Që nga lindja e shtetit islamik një numër i madhi luftëtarëve të huaj është nisur nga Ballkani dhe kryesisht nga Shqipëria. Numërohen mijëra luftëtarë. Në 12 muajt e fundit praktikisht numri është reduktuar. ISIS ka humbur territore në Siri c?ka e ka detyruar shtetin islamik të bllokojë shumë prej udhëtimeve. Ndërsa shërbimet e inteligjencës europiane sinjalizojnë se radikalizimi nga ana tjetër është thelluar pikërisht në këto muaj. Një alarm të tillë autoritetet shqiptare në një farë mënyre po kërkojnë ta përballojnë. Deri më tani janë dënuar 9 persona për radikalizim, dhe po përpiqet të kërkohet në xhami ndërsa 89 të tilla duket se janë jashtë kontrollit. Shërbimet shqiptare kanë sinjalizuar disa imam duke i konsideruar si të rrezikshëm, dy prej të cilëve janë në burg. Më i rrezikshmi mes tyre përmendet Almir Daci i cili ka radikalizuar shumë persona të tjerë. Dhe pikërisht djemtë nga Leshnica, Zagorçan dhe Rëmenji duket se po shkaktojnë frikë dhe drithërimë në Europë?