E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Lirimi i Lul Berishës/ Lubonja: Gjykatësit kanë marrë para

17 Dhjetor 2016, 17:31, Aktualitet CNA

Analisti dhe publicisti Fatos Lubonja ishte i ftuar në emisionin ?Kjo javë? me Nisida Tufën ne ?News24?, ku është diskutuar për çështjet me më shumë impakt për këtë javë. Një nga temat e diskutimit në studio ishte lirimi nga Gjykata e Apelit për ish- kreun e bandës së Durrësit Lulzim Basha si dhe garancia që dha kreu i bashkisë Durres, Vangjush Dako për ta punësuar në bashki. Lubonja u shpreh se lirimi i Lul Berishës është një skandal i integruar, një akt që sipas tij tregon fuqinë e krimit në Shqipëri. i Pyetur se kush janë fajtorët kryesorë për lirimin e tij, Lubonja tha se gjykatësit janë pjesë e një sistemi të korruptuar.
Gjyqësori ka liruar Lulzim Berishën me kusht, qëndrimi juaj?
Fatos Lubonja: Lirimin e Lulzim Berishës e shoh si skandal, jo thjesht si skandal, por si skandal të integruar, që do të thotë që skandalet bëhen të integruara. Ndërkohë kur them skandal të integruar dua të them që nuk është më skandal. Lirimi nuk dihet parë si çështje si skandal më vete, por si skandal të krimit që ka kapur politikën. Lul Berisha që lirohet tregon fuqinë e krimit në Shqipëri.
Kush janë fajtorët kryesorë për lirimin e Lul Berishës, gjykatësit apo politika?
Lubonja: Gjykatësit janë pjesë e një sistemi të korruptuar që vijnë duke u pasuruar, por nuk duhet t?i shikojmë si të vetëm. Kam prirjen se është paraja dhe fuqia e saj që korrupton. Krimi që bën para kap gjykatësit, politikën dhe gjithë pushtetet. Varësia ndaj ekonomisë së krimit po bëhet më e madhe.

Ju thoni se i shihni të lidhura bashkë, gjykatësit janë korruptuar nga Lul Berisha?
Lubonja: Njëra hallkë është korruptuar, gjykatësit kane marrë para. Fuqia e krimit ka ndikim, Mendoj se presioni është më i dukshëm tek gjykatësit.
Letra e zotit Dako? Ndikoi në lirimin me kusht të Lulzim Berishës?
Lubonja: Unë mendoj që ata që janë aty në Durrës i dinë më mirë lidhjet, ne nuk i dimë, duhet të hetojë Prokuroria. Lidhje që padyshim janë korruptimi, janë lidhje zgjidhjesh elektorale. Doli dhe fakti që ky njeri në kohën e parë të Berishës ka rrahur Servet Pëllumbin. Këto janë problem i madh i shoqërisë shqiptare. Ky ka qenë njeri që është përdorur nga politika. Dhe ky është krimi i madh që politika bashkohet me këta tipa. Kjo është provë që shteti është i lidhur me krimin.