web counter
LEXO PA REKLAMA!

SHKARKO APP

App Store
Google Play

Gjyqi me Kodhelin/ Reila Bozdo: Do ketë tentativa për të frenuar lirinë, por ajo nuk dhurohet, fitohet

8 Dhjetor 2016, 18:22, Aktualitet CNA

Këshilltarja e Partisë Demokratike në Bashkinë e Tiranës, Reila Bozdo, ndodhet në një proces gjyqësor me Ministren e Mbrojtjes, Mimi Kodheli. Kjo e fundit e ka paditur Bozdon për shpifje dhe kërkon prej saj 50 mijë euro. Një vit më parë, Bozdo akuzoi Kodhelin në lidhje me një tender për vënie në punë të Sistemit të Integruar të Vëzhgimit të Hapësirës Detare, për të cilën këshilltarja demokrate theksoi se ja ka dhënë një dyqani celularësh.

Përmes një postimi në rrjetet sociale, Bozdo shprehet se akuza e saj ndaj Kodhelit ka qenë një denoncim për akte korruptive dhe jo një sulm personal.

Ajo ka publikuar fletë-thirrjen e gjyqit me Kodhelin, e cila do të zhvillohet në datën 12 dhjetor në orën 12.

Bozdo shprehet se në një sistem ku funksionon drejtësia, do të fitojë ai që bind me fuqinë e arsyes, brenda kufijve etikë të lirisë.

Duke e lidhur edhe me ditën e rinisë (lirisë), Bozdo shkruan se Liria nuk dhurohet, por fitohet.

Më poshtë, fletë-thirrja e Gjykatës dhe postimi i Bozdos

Do ketë gjithmonë tentativa për të frenuar lirinë. Më të theksuara janë këto tentativa në shoqëritë me mbetje të diktaturave.
Pranimi i lirive është cështje mentaliteti dhe kërkon fuqi psikologjike brenda individit për tu përballuar.

Do i shtrembërojnë thëniet tona. Do na godasin pa patur të drejtë, thjesht se kanë pushtetin për ta bërë këtë. Do tentojnë të na baltosin duke përdorur si armë fjalinë “Pse më baltos?”. Do e ngatërrojnë denoncimin e akteve korruptive me sulmin personal. E bëjnë me qëllim.

Në fund, pas një beteje argumentash, në një sistem ku funksionon drejtësia, do të fitojë ai që të bind me fuqinë e arsyes, brenda kufijve etikë të lirisë.

Liritë nuk dhurohen.
Liritë fitohen.

Liria është frymëzimi ynë!

 





Lajmet e fundit nga