web counter
LEXO PA REKLAMA!

SHKARKO APP

App Store
Google Play

E fundit!

x

Nishani nuk e dekreton për një mandat të dytë Gjeneral Jeronim Bazon/ Nuk ka raportuar te presidenti

20 Nëntor 2016, 11:58, Aktualitet CNA

Presidenti Bujar Nishani, nuk ka dekretuar për një mandat të dytë Shefin e Shtabit të Përgjithshëm të Forcave të Armatosura, Gjeneral Major Jeronim Bazo.

Arsyet e këtij mosdekretimi mësohet se janë shkelja e Kushtetutës që gjenerali ka kryer duke mos raportuar asnjëherë dhe duke mos dhënë asnjë informacion tek Presidenti për planet e veprimit të Forcave të Armatosura si dhe shkelja e ligjit të zinxhirit komuandues të FA, duke hequr nga përdorimi qindra prona pa miratimin e kreut të shtetit.

Pasi i përfundoi mandati 3-vjeçar më 7 nëntor, kryeministri Rama dërgoi në Presidencë propozimin për një mandat të dytë dhe të fundit të Shefit të Shtabit të Përgjithshëm, Jeronim Bazo. Por presidenti i Republikës, Bujar Nishani, refuzoi ta dekretonte.

Bazo pretendohet se nuk ka raportuar asnjëherë në 3 vjet tek Presidenti, detyrë që ia ngarkon Kushtetuta. Për më tepër as nuk është konsultuar për asnjë veprim dhe nuk ka dhënë asnjë informacion për Forcat e Armatosura, duke shkelur kështu Ligjin Themeltar të shtetit. /Citynews





Lajmet e fundit nga