Shënim/ Salcë apo gjizë për Lindita Nikollën

17 Nëntor 2016, 18:52, Aktualitet CNA

Sot, ministrja e Arsimit në një aktivitet zyrtar pati disa pasoja pas një aksioni të disa aktivistëve që vijnë nga një grupim i njohur si neo-marksist apo ekstremist të majtë.

Ministrja e Arsimit, gjatë një takimi zyrtar u lag nga Mirela Ruko, me një mendim dhe bindje se ajo ishte përgjegjësja për rrëmujën e sistemit të arsimit të lartë apo kostot që morën maturantët pas reformës në këtë sektor.

Metoda e reagimit ndaj zonjës Nikolla mund të quhet edhe akt vandal dhe nuk ka rëndësi nëse është përdorur salcë, pije energjike apo gjizë ndaj saj. Sulmi nuk vjen ndaj qytetares Lindita Nikolla. Një akt sulmi ndaj qytetares Nikolla është një akt i dënueshëm, ndërsa cdo akt, lëvizje apo veprim kundër një ministre arsimi të akuzuar gjerësisht nga opoinioni publik për një reformë klienteliste apo korruptive, është për tu përshëndetur.

Lindita Nikolla nuk u sulmua si nënë, bashkëshorte apo qytetare e Tiranës. Akti ndaj saj ishte një veprim në mesazh fyes për të thënë se ?ne studentët, kaq kemi mundësi të bëjmë ndaj jush. Ne nuk mund tju vrasim. Ne jemi pak që t?ju bllokojmë aktet tuaja kundër interesave publike. Por Mund të lemë gjurmë në veprime ndoshta përtej hapësirave të demokracisë, por që janë të njohura dhe të ditura botërisht.

Vetë takimi që organizonte sot Nikolla dhe kryeministri Rama, ishte një veprim në vrazhdën e justifikimeve të një reforme anti-popullore në dëm të maturantëve dhe familjeve të tyre. Një dëm ekonomik që është të paktën 15 milionë euro në vit, ose në 3 vite rreth 45 milionë euro. Për Nikollën mund të mos jetë asgjë, për xhepat e shqiptarëve është shumë.

Sot, Lindita Nikolla, thjesht u lag, shkoi në shtëpi, u ndërrua, shkoi tek parukieria për të rregulluar flokët, por kjo nuk është fitore mbi klientelizmin dhe korrupsionin që ofroi ligji për arsimin e lartë. Së bashku me Nikollën, sot mund të spërkasje me lëndë lagëse pa pasoja përtej Nikollës, pronarët e universiteteve private, klientelën e saj dhe në fund, me një shishe ujë nga lana e ndotur me fekale për kryeministrin Edi Rama, i cili është përgjegjësi kryesor i gjithçkaje ka ndodhur.

Lindita nuk është viktima, ajo është instrumenti. Autori dhe regjisori është Edi Rama. Skenaristët janë klientela private e universiteteve dhe kazanët mediatike të kryeministrit./citynews