web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ri i për Energjinë e Rinovueshme/ AREA: Të japë garanci për investitorët

16 Nëntor 2016, 10:07, Aktualitet CNA

Ministria e Energjisë dhe Industrisë (MEI)  tentoi dje të sqarojë nëpërmjet medias investitorët në fushën e energjisë së rinovueshme se projektligji i ri për energjinë e rinovueshme, i dorëzuar në Këshillin e Ministrave, jep garanci të veçantë investimi dhe siguri juridike për prodhuesit ekzistues të energjisë,  pasi përcakton se çmimi i blerjes nuk do të jetë më i ulët se çmimi i miratuar nga ERE, në momentin e hyrjes në fuqi të këtij ligji.

Shoqata Shqiptare e Energjisë së Rinoveshme (AREA) mirëpret çdo garanci nga MEI dhe institucionet e tjera shtetërore që rregullojë funksionimin e prodhimit të energjisë së ronovueshme.

Por AREA dëshiron të sjellë në vëmendje faktin se investitorët e huaj dhe shqiptarë kanë kërkuar vazhdimisht zbatimin e direktivës europiane për përcaktimin e çmimit, e cila përcakton ?kthim të plotë të investimeve dhe një fitim të arsyeshëm?. Ndërsa në projektligj, në paragrafin 3 të nenit 22 përcaktohet vetëm kthimi i arsyeshëm i vlerës së investimit.

?Metodologjia bazohet në çmimin e tregut të organizuar të energjisë elektrike ose deri në krijimin e tij, në çmime të krahasueshme të tregjeve të organizuara të vendeve fqinje, plus një bonus të caktuar për promovimin e këtyre burimeve, i cili merr në konsideratë një kthim të arsyeshëm të vlerës së investimeve. Në çdo rast, ky çmim nuk do të jetë më i ulët se çmimi i miratuar nga ERE në momentin e hyrjes në fuqi të këtij ligji?, thuhet në projektigjin që MEI ka dorëzuar në Këshillin e Ministrave.

Në ligjin ekzistues çmimi përcaktohet nga Enti Rregullator i Energjisë, ERE, si ent i pavarur nga ekzekutivi. Ndërsa ligji i ri i hartuar nga MEI ia heq këtë kompetencë ERE ?s, duke ia dhënë përcaktimin e metodologjisë së çmimit, Ministrisë së Energjisë dhe Industrisë.

?Çmimi i blerjes së energjisë elektrike nga prodhuesit ekszistues llogaritet nga ERE, në përputhje me metodologjinë e miratuar nga Këshilli i Ministrave, me propozimin e ministrit?, përcaktohet në projektligj.

AREA konsideron se referencat për çmimin tek tregjet e mundshme krijojnë një paqartësi që shton pasigurinë në këtë sektor.

Referenca në projektligj se ky çmim nuk do të jetë më i vogël se sa çmimi aktual ne dukje është e vetmja referencë objektive dhe e qartë, por mbart dy shqetësime të rëndësishme.

Në prodhim këto disbalanca rëndojnë 20 – 25% të tërësisë së prodhimit.

Kjo është një kosto e shtuar. Për përcaktimin e saktë të kësaj kostoje i është lënë dorë e lirë Këshillit të Ministrave, për ta vendosur si dhe sa do të jetë duke rritur pasigurine e investimeve.

AREA thekson se ajo është bërë pjesë e nënshkrimit të kontratave të reja që e transferojnë blerësin e energjisë së rinovueshme të prodhuar prej saj nga KESH sh.a. tek OSHEE. Kjo kontratë u pranua nga të gjithë anëtarët e AREA vetëm pasi u përfshinë shqetësimet e AREA.

Në këtë frymë, AREA kërkon nga MEI që garancitë e investimit, sigurisë juridike dhe të çmimit t?i përcaktojë në draft-ligjin që është ende në diskutim, në mënyrë të qartë dhe transparente.

Çdo përpjekje tjetër për të mos i dhënë këto garanci ligjërisht është shpenzim i kotë energjie, cënim i investimeve prej 400 milionë eurosh të bëra nga investitorët vendas e të huaj deri me sot dhe i gjithë investimeve të tjera mundshme në të ardhmen, përfundon deklarata e AREA-s. /Citynews

 

 





Lajmet e fundit nga