web counter
LEXO PA REKLAMA!

SHKARKO APP

App Store
Google Play

Nga Kastriot Myftaraj/ Lufta e Edi Ramës ndaj Greqisë, komedi e sajuar me pronarët e Flotës Detare Tregtare Greke ?

2 Nëntor 2016, 18:20, Aktualitet CNA

Nëse Greqia nuk vendos veton ndaj çeljes së bisedimeve për anëtarësim midis Bashkimit Europian dhe Shqipërisë, ashtu siç ka bërë rregullisht ndaj Maqedonisë, atëherë e gjithë kjo lufta e Edi Ramës ndaj Greqisë, nuk është gjë tjetër veçse një komedi e sajuar mes tij dhe pronarëve të mëdhenj të Flotës Detare Tregtare Greke, me anijet e të cilëve do të transportohen plehrat e botës në Shqipëri, për të mbushur tunelet dhe shpellat e vendit tonë.
Sado të jetë dobësuar Greqia nga kriza, ajo është gjithmonë në gjendje të vendosë veton ndaj Maqedonisë dhe Shqipërisë.
Në 2008, kur Greqia tashmë kishte hyrë në krizë financiare, por kjo jë nuk ishte shpallur publikisht, Athina e kërcënoi Tiranën me veto kundër pranimit të Shqipërisë në NATO, ashtu si për Maqedoninë, nëse Shqipëria nuk miratonte versionin grek të kufirit detar mes dy vendeve.
Siç dihet, marrëveshja u miratua dhe u rrëzua nga Gjykata Kushtetuese e Shqipërisë.
Kur Edi Rama erdhi në pushtet në 2013, ai i premtoi Greqisë se do të gjente një zgjidhje të pëlqyeshme për problemin e kufirit detar, dhe me këtë premtim Greqia nuk vendosi veton në 2014, kur Shqipëria mori statusin e vendit kandidat në Bashkimin Europian.
Tani që mes dy vendeve janë akumuluar më tepër probleme se kurrë që nga viti 1971 kur u rivendosën marrëdhëniet diplomatike dhe kur Edi Rama e ka ngacmuar Greqinë më shumë se të gjithë shtetarët shqiptarë që nga viti 1971, logjika normale të thotë se Greqia duhet të reagojë me veto, nëse nuk luhet diçka në nëntokën e marrëdhënieve mes dy vendeve./Kastriot Myftaraj





Lajmet e fundit nga